ماخلاتش ليها الفرصة فين تفكر خصوصا البنت صغيرة و كتكتاشف حوايج جداد و كتواعدها بشي حوايج لي كتمناهم غتحققهم ليها.. عطاتها كسوة قصيرة فالازرق و دي صونضال و الزيف كاااان فخبر كااان
ديمارات اللوطو بداو بالشعر بدلات اللون دشعرها و قادات ضفرانها . دخلاتها لمطعم فالمدينة بداو كيتغداو و ابرار حشمانة كتحس بيها كدير معاها فوق الخير
ابرار : ختي بهيجة شكرا ليك بزااف و الله .. الناس لي قراب ليا تخلاو عليا و انت من النهار عرفتك و انت مكبرة بيا
بهيجة( ضحكات ليها): ماتقوليش هاكا راه ولينا دابا صحابات و انت باقا صغيرة .. كملي ماكلتك باش نعرفك على البنات
ابرار ( كتاكل ): شكون هاذ البنات
بهيجة: صحاباتي حتى انا متاكدة غيعجبوك دابا تشوفيهم
كملو ماكلتهم دغيا و ناضو تحركو وصلو حدا باب البار و نزلو هازين التقدية فيدهم .. كان بار كبير و معروف فالجهة تاعهم كلشي كيجي ليه من جميع الانحاء .. شافت دكشي و هي تعقد حجبانها
ابرار: شنو هادشي جايباني ليه اختي بهيجة
بهيجة: شنو ماعجبكش
ابرار:شنو غنديرو هنا
بهيجة : غنشطو اصحبتييي زيدي باراكا من الاسئلة طبختي لييا رااااسي
غير زطمو فالبار كحالت الشوفة مكين غير الضلام و الضوء قليل .. تخلطو عليها الاضواء و الروايح و كتسمع كلشي كيلقي لبهيجة التحية مكين غير زارتنا البركة .. زادت بيها عند الدريات كانو مجموعين فطبلة و حاطين مشروبات
بهيجة : البنات السلام
كلشي جاوبها بالمثل و بقاو كيشوفو فبعضياتهم نقزات وحدة دوات مع بهيجة و غمزت جيهة ابرار
بهيجة : جديدة تهلاو فيها انا غيخسني نمشي ( شافت فابرار ) الحب هانتي معاهم خودي راحتك عندي شي اغراض نقديهم بلاتي و نجي )
ابرار( دوات بالشوية و بالخوف ) ديني معااك
بهيجة ؛ مايسلاحش ليا غير خليك هنا تا نجي لك
مشات و خلاتها كضور فعينيها ماعرفت واش تكلس واش تبقا واقفة .. حرتها و حدا حداها و كلستها كتقيس فيها
ابرار: احم السلام
البنت : عليكم السلام .. شنو سممميتك
ابرار : ابرار .. و انت
البنت : اسماء
ابرار : مشرفين
اسماء: فين تلاقيتي ببهيجة .. فشي محطة ولا فشي باب دالعيمارة ( شافت فالبنات ) ولا فالموقف ههههههههههههههههههههههه
شافت فيهم و حدرت راسها ..
اسماء : نوضي نوضي اختي لبسي و نوريك شنو ديري
ابرار : كيفاش؟؟
اسماء: ( وقفات و كطا يدها على جنبها) كيفاش لي كيفاش.. نوضي تكعدي راه تابعاك الخدمة هه و لاهيلا قاتلك كيفاش
دوات بنت اخرى كطفي فالكارو
البنت : ماديش عليها باقا جديدة ماتنسايش راسك كيفاش جيتي و علمتك و سيري قومي بالواجب و رحمي الواليدين على من علمك
#يتبع

أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
