عطاوهم صوابهم و ناضت الام تحط ليهم العشاء .. لبسات ابرار كسوة طويلة و دارت زيفعا لاحتو عليها .. بقا شعرها كيبانو منو شي زغيبات .. هزات السينية فيها الكيسان و حطاتها فالطبلة بالشوية و بالاداب .. و هي تنوض عندها ام العريس بضحكة بشوشة كتشوف فيها شدات ليها فيدها و مدات ليها حنكها
الام: السلام بنتي كي دايرة لباس عليك
ابرار: ( بحشمة) عليكم السلام .. حمد الله خالتي .. حدرات راسها بحشمة مخلطة بالبكية و كتشوف راسها ماشي قد هاذ الموقف
ناضت عندها ختو تاهي بدورها كتسلم عليها و العريس غير حادر عينو مكيشوفش لجيهتها و من ملامحو باين عليه بلي هادشي جايه فشكل
الام : الحمد الله ابنتي .. تبارك الله كبرتي .. سنيين هي باش شفتك .. ( ضحكات معاها ) اوا الحمد الله اليوم كتاب باش تكوني مرت ولدي بكر. ( حطات يدها على كتفو )
حشمان و مشات للكوزينة حادرة راسها .. اصلا شي حاجة لداخل عندها كتقوليها هاذ الزواج فيه شي حاجة ماهياش .. و خاطرها مامهنيهاش.. تعشاو و كلاو ديسير و بقاو كالسين على براد د اتاي ابار جنب مها غير كتفرك فيديها و تغزز فسنانها و العيالات مجمعين بينتهم في حين الاب و بكر كيدويو و يدردشو من هنا لهيه.. الحال بدا كيمشي و هوما مابغاوش يبسلو على الناس اصلا جايين معطلين ..
قررو انهم يقراو الفاتحة و يديرو العقد الغد ليه لان العريس مزروب بعروستو
الاب: هههه و مالك زربتي علينا خلينا غا نوجدوها بعدا
بكر: ذكشي الكبير نخليو ليه وقتو مزال الحال
الاب: انشاء الله ميكون غير الخير . ايمتى العرس ؟
بكر : يكون السيمانة الجاية مكين لاش نطولو المدة راك عارف
الاب:انشاء الله بحوله
سلمو عليهم و خرجو .. دخلات ابرار لدار حادرة راسها النفس ماقادراش طلعها .. مها حاسة بيها حيت تاهي طرا ليها نفس الحاجة و عاد كانت صغر منها .. شدات ليها فيدها
الام: (عينيها دبلانين حزن )بنتي.. فوضي امرك للله .. ياك انا يماك و تزوجت على 12 لسنة و هاني دابا الحمد الله بولادي و داري و مانقسني تا خير.. راه مكتمشي غير فين مشاك الله... هذا هو مكتوبك
ابرار ( باستهزاء) هه شمن مكتوب هذا الله يهديك
الام: مكتوب الخير ... مكتوب الخير انشاء الله ... مشي تنعسي.. غدا خاصنا نفيقو بكري... نجمعو الدنيا و نعلمو الحباب
ابرار: ايما كون ماتعيطي لتاواحد
الام: و مالنا مسيفطينك فالذية غادي نفرحو بك و العرس غنعملوه كبيييير و نبنيو الخزاين من هنا تال عندالحانوت د سي دريس .. ههههه
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
