رجع للكلينيك مهلووك .. ماعارف يقلب على المصيبة لي تحطات فوق راسو و لا يعطي الراس لولادو و لا يمشي يدكدك ديك الق.حبة دايناس .
جابت ليه الفرملية علي لقاه نااعس ..
بكر : واش ممكن ندخل معايا الدري الصغير .. باش نباتو فشومبرا؟
الفرملية: نو موسيو ديزولي .. سي غيسكي على البيبي و حتى عليك. من الاحسن تمشي لدارك و ترتاح
بكر: انكشي ونخلي بنتي هنا بوحدهاا
الفرملية ماتخاف والو.. حنا غنقابلوها.. حسن ماتعدب معاك البيبي ..
لقا عندها الحق.. مشا لقا نضرات خفيفة على بنتو كتبان بحال شي ملاك صغيور على الارض. وقف حدا دار مو و نزل .. دق عليهم و جاو حلو عليه
الام: اهلا اهلا بوليدي.. كيبقيتي( كضور فعينيها) فين هي ابرار؟
بكر ( حادر راسو بالعيا ): هرباات
الام: احوجيييي على هربااات
بكر: واه.. هربت الله غالب النهار كامل وانا نطوطح نقلب عليها و تكول البرهوشة خطفها شي جن من الارض
دخلاتو للصالون باش يهضرو على خاطرهم.
الام: اوليدي .. شاكاين ؟ شاعندك؟؟ بنتي مااهواش
بكر: (كيتنهد) ندى .. راها كومة .. ماعرفناهاش يمتى تفيق ..
الام : ابردييي يااانا .. كتهضري بصح؟؟
بكر: واه .. هادشي فيه الملاغة . ماعرفت فين نعطي الراس اما
مشات قربت حداه و ضماتو .. واخا كتبان قليولة قدامو ولكن حنان الام لا يعوض . بقا كيتنهد و شد راسو بين يديه
سير اولدي رتاح الفوق و علي نقابلر بيدما فرجها ربي راه الفراق صعيييب ..
طلع لبيتو القديم طاح كاو .. ولكن نعاسو كيتقطع كلما كيتفكر ندى كضربو الفيقة.. دازت ليلة فالجحيم . ناض فاق بكري لبس حويجو و خرج يقلب عليها لابانت ليه . كيضور مع داك الفجر .. مكتعرف تاواحد فديك البلاصة و كون رجعت لدارهم كانو يقولوها ليه..
غير سمع الدان قال الله اكبر حبي اللوطو فقنيتة و هز صلايتو من الكوفر . نزل ودخل للجامع
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
