غير حسات بالريحة ديالو كدور تما و هي توقف .. كتحس بالبرد سخون كيضرب فيها .. درقات فواحد القنيتة و بقات حادياه حتى سالا الصلاة ..
غير كمل صلاتو ريح وبدا كيستغفر و يصلي على النبي ..
بكر : يااربي سرح ليا طريقي و عافي ليا بنتي .. ياربي ترشدني لطريقها ياربي ..
من حدو كالس كيطلب الله و هي كدمر و تبكي .. كلسات فالارض و بقات شادة على فمها باش مايسمعهاش.. بقا فيها راسها و بقا فيها هو و بقات فيها بنتو .. و زادت هي خوات بيه وخلاتو .. واخا باقة صغيرة ولكن الوضع تاعها كيخليها تكون كبيرة ..
كيسمع الشهيق جاي من البعيد .. فالاول تخلق.. عفد حجبانو و جمع الوقفة.. بقا غادي كيتحسس الصوت من جاي ..
ككتحس بشي حاجة درقت عليها الريح لي كان كيدخل .. مسحات نيفها و هزات وجها بالزربة .. غير شافتو و هي تخرج عينيها .. بقاو بجوج بيهم ساكتين لوهلة .. جبدهازمن يدها نوضها و دارها فاللوطو.. ركب تاهو و طل الزاج.. تقاد فالكلسة و هي سليبها كتحس بيه فزك .. عرفات بالخلعة.. مع كل حركة كيدير كتقول صف دابا غيشنقني ... شاف فيها بيعين باردين مافيهم تا احساس.. نفس النضرات لي دار فيها اول مرة دخلات لدارو ..
بكر : علاش هربتي؟ فين كنتي باغا تمشي نوصلك
ابرار( كترعد و ماقاداش تخرج الهضرة مقادة بحالا كتشهد بالزور ): ه..هربت.. حيت .. حيت .. حيت هءهءهءهءهءهءهء( بدات كتبكي و تنحط حتى كيتلاقاو ليها الدموع فاخر وجها .. كتشهق و تبكي .. )
بقا كيشوووف فيها .. مافهم والو.. واش سؤال غيبكيها ؟ واش هو لي خاصو يكعا ولا هي ؟
بكر ( حط يدو عليها و نوض ليها راسها ): علاش كتبكي واش قتلك شي حاجة؟
حيدات ليه يديه و كملات فبكاها حتى هو مازادهاش فيها قطع الحس حتى سالات بكاها على خاطرها يسحابليها غير خرج .. حيدات يدها على وجها بالشوية لقاتو كالس.
بكر: تقدري تهضري دابا؟؟
ابرار: عفاك.. بلاما ضربني .. و الله مادرت شي حاجة تيق بيا ..
بكر : و سؤالي هو علاش هربتيي
ابرار : ح..حح..يت .. قلتي ليا انقت.لك
بكر ( عقد حجبانو و بقا كيشوف فيها بعدم الفهم ) انا ؟؟ انا قتلك هاذ الهضرة
ابرار: ااه.. قلتي ليا الى طرات شي حاجة لندى غنق..تلك انت و عائلتك
بكر : اهاه .. تا هادي هضرة.. و هانتي هربتي و هاني لقيتك .. زيدي نوريك.. غندب.حك ونعلق مك تا تنشفي من الدم و من بعد نخرج حسك لاقرب غابة ياكلوك الكلاب ..
ديما الطموبيل و كسيرا .. مع كل كلمة نطقها قلبها كيتهز .. كتحس بقلبها كيتقطع .
ابرار: هااا العاااار انا مزاااااوكة هااا العار .. هءههءهءهه مادير ليا والو.. هءههءه و الله ماباقا نهرب هءهءهءههء ياربي تشافي ندى هءهءهءهءهء عفاك هء الله يسهل عليك هءهءهء
دفعها و حيد ليها يدها لي شادة فيه.. غوت فوجها تا ترش بزافو عليها
بكر : بللللعي فمممك
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
