دكشي نيت لي دار .. تمسك حتى تمكن ... بقا ديما حاضيهم واحد النهار قال لي ليها ليها ...ياربحة يا دبحة .. تسناهم تا نزلو من الجبل و مشا للڤيراج بقا كيتسنا ... الطريق ديييقة و بالسيف باش يدوز منها شي واحد .. واخا هاكاك غامر بروحو .. كان فاي لحضة دوز شي طوموبيل يطير هو وياها .. لكن من حسن حضو انهم كانو جايين بالشوية قدر يوقفهم من البعيد ..
كيشير بيديه بجوج من البعيييد و كيغوت على اساس يسمعوه
.. صايك بالشوية عليه لان اي غلط محسوب عليه و هاز معاه فلوس كحلة ماشي ساهلة .. من وراه جوج طوموبيلات و الماطر تحسبا لاي خطر لان المخزن ساهل يبيعهم ..دكشي لاش ديما دايرين احتياطهم .. صغر عينيه كيحاول يتاكد لكن فعلا شي واحد كيشير .. نقص من السرعة و قرب حداه كيدير ليه بيديه حيد من الطريق .. و بكر كيقولو لا ... ملي شافو القضية مامسلكاش جبدو السلاح ووجهوه نحوه
...: حيد ولا نتيري ..
بكر :(هاز يدو و كلو كيقطر بالعرق): مابغيت منكم والو .. بغيت الشاف
شاف واحد فلاخر وضحكو
..: ههه غا اجي ووصل للشاف.. حيد من الطريق
بكر قتلك مغنحيدش .. عندي كلام مهم لييه واخا تشوفوني هاكا غنعاون الشاف تاعكم بزاااف ..
ماقدروش يجريو عليه مزال لان الى كانت فعلا شي حاجة مهمة و ماداوهش يقدر يصفيها ليهم .
فالطوموبيل و كيشوف وراه لايغفلوه .. الطريق كاااملة وهو كيفكر فشنو الكدبة لي غيكدب حتا وصلو عندو .. كانت ڤيلا كبييييرة .. جردة كلها زهور و لابيسين كبير تلوح فيه الدرهم تبان .. اما السراجم كلهم زاج .. عمرو شاف داك الخير كانت اول مرة .
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
