مشا عند البنت لقاهم دايرين ليها الثلج على وجها وشعرها كاع مشعكك.. قرب منها باستغراب
بكر : مادموزيل نقدر نعرف شنو طرا ؟
البنت : ( بالتغبان و التبوحيط ) جوسيبا .. كنت خدامة و هي تجي ( حدرات راسها ) ڤوطخ دام دارت فيا هاذ الحالة
بكر : ماقلتي ليها والو ؟؟؟
البنت :نووو و الله و ماخلاتش ليا حتى الفرصة باش ندافع على راسي
بكر ( هز حجبانو ) حمد الله ملي مادافعتيش على راسك ( بالشوية دوا )
النت : باغدون موسيو
بمر : والو .. انا غنشوف هدشي ( شاف فالسكرطير) يا اللن معايا
مشات معاه لقاعة دالكاميرات امرها باش دوي مع السيد لي مكلف يجبد اللقطة بالضبط و مع حسن الحظ الكاميرة صوت و صورة .. سمع كلشي مزياان و خرج هو وياها غادين للبيرو
بكر : عطيها حسابها و الله يعاونا و يعاونها .. و قلبي على وحدة تعوضها .. قلة الادب
السكرطيرة( بغات دافع عليها ) و لكن .. راه..
بكر : قاطعها ) ديري لي قلت ليك و باراكا من الهضرة تا انت
دفع عليهك الباب لقا اليس كتلعب فشعرها و ابرار كتاكل فضفرانها عرفات راسها قفرتها ..
بكر : ( كيدوي مع عدنان) خويا .. نشوفك انشاء الله بيناتنا التيليفون
سلم عليه سلام روجولي و خرج خلاه كيجمع وراقيه و يقلب على سوارتو
بكر : ابرار .. خصنا نمشيو للدار
ابرار : اا.. خلي.. خلينا شوية هنا بيروك زويين
بكر ( شاف فيها حاقد ): واتعيويدغ بو ايرهارد تناين ايماران اكر جمع ايخفنم نيغ ادايم سفاراجغ عيباد الله( مانعاودش الهضرة جوج مرات .. تنوووضي تكعدي و لا بالرب تا يتفرجو فك هنا)
ابرار:( بلعات ريقها و جمعت الوقفة فالبلاصة):واخا
خرج و خلا ابرار فالبيرو كي الكلبة كاعما تصوث ليها بغات تاكل جنابها .
اليس: لغة الدبان يخخ..
قالتها و خرجات كدور فالشركة و تخمم.. حل الباب و ركب .. طلعات حداه متبتة و كتحاول ترزن راسها
بكر : ( كيلعب بالسوارت ) دابا انا واش مزوج بشمكار؟
مقدارش تجاوبو غير حادرة راسها .. ضرب فالفواون بالجهد
بكر : كي نهضضضضر معااااك تررردي علياااااا تسسسسمعيييييي ولااااالاااااا؟؟؟؟
ابرار : ا.. اااه .. ااههه.. لا لا ..
بكر : هااااا واه ولا لا ؟
ابرار : ( بالخوف ) ل.. لا .. لاااا
بكر : و علاه مادا يدك على السيدة .. شادارت لك ... يا دينك و دعيييك .. تمشي تغبري تمااا
ابرار ( دبلات عينيها بترجييي) : عفاااك .. عفااااك طلبها مادعيتيش راه هي لي عيرتني
بكر : مانيش مسالي لك نبقا نجري وراااك( ضربها لراسها ) فيين هو عققلك؟؟ باغا تتخدمييي صغرييي عقلك.. نجيبك معايا تبهدليي بيااا.. شهاذ الصوالح لي راك ديري فيهم.. الى بغيتي الدار نسد على والديك فيها ثاااني مرحباااا.. بغيتي تعقلي و ترزني مرحباااا... التبرهيش الخاوي ... غا مرت مول الشي ديري فالسيدة مابغاات ؟؟
ديمارا اللوطو و هي كتنخصص فخاطرها . مرة مرة يلوح عينو عليها عرف بلي قصح معاها الهضرة و لكن حتى هي تبرهيشها ماشي فوقتو.. وصل للدار هز ولدو و هبط خلاها وراه عاد جايا ..
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
