دخلات للدار فيها البكية و الفرحة .. البكية حيت حشرها .. و الفرحة حيت سمح ليها .. دخلت للدوش غسلت شعرها و حالتها.. كانت توسخات فالزنقة و التمرميدة و الكلسة فالعتابي ..
ابرار: الحمد الله .. كتاب ليا عمر جديد .
لبست حويجها وسط الدوش و خرجات.. وجدات دكشي لي خصها تستعمل كانت ديجا جايباه من عند مها.. شبة و ورد و قرنفل و عاد حطات النيلة الزرقة و محكة تاع الرجل.. ماعندهاش دوك الكريمات و دوك لي برودوي تاع التبعصيص .. عندها داكشي بسيط كتستعملو .. هزاتهم و دخلت للبيت حطاتهم و جابت بقراج دالماء دافي و فوطة و وبانيو و كرسي علاش تكلس.
حيدت ليه سبرديلتو .. كتشوف فالارض مكتشوفش كاع فيه.. بدات كطلي ليه لرجليه و تحك.. من بعد ماصاج كانت كديرو لباها ملي يدخل عيان من الزنقة ولات كديرو لراجلها باش يغفر ليها . بقا شحااال كيشوف فيها .. كتبان بريئة و مافراسها لا دغل لا والو عكس كاع الناس لي ضايرين بيه. هالي باغا الج.نس هالي باغي يطيحو هالي باغي ينصب عليه هالي باغي يضحك عليه لكن ابرار جات دير مهمة و تمشي .. راااادية بقدرها و حامدة بيه الله .. فعلا كتحارب من اجل البقاء.. ماباغاش ت موت باغا تعيش.. باغا دير مافجهدها باش تنفس..
مسحت على جبهتها .. هزات الفوطة كانت على كتافها كتنشف ليه فرجليه و صبعانو .. جرات البانيو و حطات ليه صنضالة علاش يحط رجلو .. لبسها و حط يدو على الفراش حداه
بكر : اجي حدايا اجي
ابرار: اويليييي... ( خرجت عينيها تا حمارو و ناضت كترعد )
دفعات البانيو برجليها و ناضت كترعد للبيت لاخر .. هربات و سدات عليها الباب ..
ابرار: لا مايمكنش..
كتسمع الدقان فالباب.. تابعها تال البيت.. حماق ؟؟ اش باغي؟؟
ابرار: ( كدوي مور الباب): نعام؟؟ خاصاك شي حاجة ؟
بكر : حلي هاذ الباب( كيخبط بالجهد)
ماقدراتش تزيد تناقشو و هي اصلا بالسيف باش رونجاتو .. حلات الباب بالشوية و بقات كطل عليه .. طلع ليه الخرا للراس و هو يدفعو بالجهد حتى جات طايحة على راسها ..
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
