ملي دخلات لبيتها و هي مربعة رجليها و طاوياهم لعندها.. و هو غادي جاي فالدار .. توحشات علي بزااف .. شحال ماشافتو وولفاتو بزاف مولفة تلعب معاه و تعتاني بيه.. غير تفكراتو و هي تنوض كتجر فرجليها عند بكر .. حلات الباب لقاتو متكي على الحيط و شاد فراسو .. قربات حداه حتى مابقا بينها وبينو والو .. مطقات بخفوت جامع بين الخوف منو و الخوف عليه
ابرار : مالك؟
سمع صوتها بحال شي نغمة او مسيم الريح دخل لودنو .. طلع راسو فيها و شاف فيها بعينين دبلانين قاهراهم الحياة .. جرها لبيتها كلس و كلسها حداه
بكر : خليك انت مرتاحة هنا بلاما تهزي ليا الهم
ابرار: كاعما هازة لك الهم .. غير حيت ديما كتغوت دابا شتك غير ساكت
بكر : ههه.. اودي بقوة ماغوت مابقا عندي جهد ... تقهرت و عيت ... ماحيلتي لهادي ماحيلتي لديك هذا الله .
ابرار ( عقدات حجبانها ) مالك شنو عندك؟
شاف فيها و بتاسم ابتسامة خفيييفة بالكاد شافتها ..
بكر :ماعندك البرهوشة ماديري بهاد الصوالح رتاحي لك ..
ابرار( عقدات حجبانها و خنزرات فيه لاول مرة ): كفاش برهوشة حتارم مرتك شوية
بكر ( شاف فيها كيضحك )ياااك الالة .. ههه مرتي و ملي قتلك اجي حدا قلتي اويلي و هربتي .. انت باااقا صغيرة غا نعسي دابا تكبري
ابرار : اه كبيرة على خدشي و ماكبيراش على الدراري نربيهم
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
