خرجها للصوق فين كيتباعو الحوايج شرات كاع دكشي لي باغا لمها و ختها وخوها اما باها ماتفكراتو تا بريحة
بكر : خديتي كاع لي خصك ماناقصك والو ؟
ابرار( فرحانة و غطير ): لاا صاافي لهلا يخطيك
عطاها الكونطاك دخلت دكشي للوطو و مشا هو للمخبزة خدا الباريزيان و الحلاوي و لي كخواصون .. حطهم لور حدا علي و رجع للقدام دار صمطتو و ديمارا
ابرار : شنو دكشي؟
بكر : غا التخربيق باش ماندخلوش بيدنا خاوين
ابرار : شكرا لهاا يخطيك
بكر ( ديمارا ): شمن عادي راه عائلتك هوما عائلتي
الطريق كانت صعيبة عليها و جاتها طويييلة بقوة الفرحة اما بكر مولف بيها طلق اغنية ريفيا جايين و يغنيو معاها و الراي حتى قربات تبدا تجدب ..
بكر : اتهدني
ابرار : ويلي شحال ماسمعت الموسيقى شدوني ماليا هههه
بكر : شوفي معايا .. راه وصلنا للدواو و نسيت دار بالضبط فين
ابرار : اه.. هانتا شد الطريق لي على الواد
دار لي قالت ليه بقا غادي معاها نيشان حتى وصلو حدا الدار .. كانت زهرة كتشطب قدام الباب بالشطابة تاع الدوم و كدندن .. غيير شافت الطموبيل كتقرب من حدا الدار هبطات البيجاما و دخلت كتجري عند مها
زهرة : يمااانوو.. ابرار و راجلها راهم فالباب
مسحت يدها و حيدت الطابلية دالشقا ..
الام : ميييمتي ... و كاعما علمونا الليلا باك يحيح عليها
زهرة: عفاكم ماتقولو ليها والو عفااكم
الام : دخلي جمعي بيت الماكلة و بدلي لخوك
مشات هي كتقاد فالمخاد و تسرح فالسدادر .. و مها خرجات غير بانو ليها الكراطن و الصيكان كلت عينيها و بدات كتستقبل فيهم بكل حب
الام : اهلااا اهلاااا بنسيبي العزيييز اهلااااا مرحبااا
خلات ابرار بلاكة كاعما داتها فيها من غير الصيكان لي خدات ليها من يدها ..
الام : زهرااا ا زهراااا زيدي هزي و سلمييي
شافت ابرار فالارض و بقات موخرة مشات تهز علي من الطموبيل فيحين بكر دخل هو و مها .. خرجات زهرة عند الرار غير قشعات هتها طارت عليها كتسلم و تبوس و حاضية لايشوفها باها
زهرة : ختييي تووووحشششتتككك.. ( كتعنق فيها )
يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
