هز ليها التقدية حطها فالكوزينة و هي بدات كترتب و كطيب .. جابت العشاء مع المغرب قد قد.. حطاتو ليه فالطبلة مقادة دارت ليه طاجين داللحم بالجلبانة معلك و طايب على التهنديبة .. حطات الفول و شلاضة .. قرعة دالماء .. طلعات عندو لبيتو و بدات كدق .
بكر: دخلي
ابرار: وجدت العشاء ..
بكر : هاني نازل .
حط لي فيديه و هبط لقا داكشي متول على حقو و طريقو و هو يعوج وهو
بكر ( فخاطرو) : هاذ البرهوشة كتعرف تصوب هادشي كامل اممم غتخلا ليا فالدراري .
ابرار: بغيت نفيق ندى ولكن خفتها تكون باقة مقلقة مني .
بكر: غير طلعي فيقيها جابها طرونسبور قبيلة اتكون عيانة
طلعات عندها لبيتها لقاتها مككوخة بالنعاس.. فيقاتها و قالت ليها تهبط تعشا .. اما هي بقات فالكوزينة مازال مكتزعم تكلس معاه فنفس الطبلة
ابرار: ( فنفسها ) ميمتي ماخليت ليا والو ماعرت باش غنتعشا
عدنهم لهيه فالطبلة
بكر : ماتقربيش لديك البلاصة خلي لخالتك ابرار ماتعشاتش معانا
عطاتو الاوكي براسها و ناضو يغسلو يدهم .. بقات كتسناهم تا سلاو و مشات تخمل لقاتو مخلي ليها ديجا حقها بالزايد . . هزات الطاجين للكوزينة و بدات كتاكل حتى شبعات عاد بدات كتخمل فشي لاخر .. غسلات الماعن و طلعات عندو اافوق .. دقات الباب و دخلات من بعد ماعطاها الادن
ابرار: عفاك ممكن نطلبك؟
بكر: شنو بغيتي ؟؟
ابرار: هادي تقريبا سيمانة باش جيت عندك و ملي جيت مادويت مع دارنا .. ت..تقدر تعطيني نهضر مع مي ؟
بكر : راهو التيليفون .. هزيه هضري معاهم تال غدا و نشري لك واحد .
ابرار( مسات كطير هزاتو بالحق ماعرفاتش منين تشعللو) عفاك.. ماعرفتش( حدرات راسها )
خداه من عندها و ملات عليه النمرة .. بقا كيصوني عاد جوبات مها .. خطفات ليه التيليفون و بقات واقفة كتهضر
ابرار: ممماااا.. انا ابرااار ...
الام: ابنتييي... اهلا اهلااا ( صوتها تحجر) توحشك الحنييينة .. فين غيييبتك؟
ابرار : تا انا توحششتكك .
بقات واقفة كتنقز تا سالات لابيل و عطاتو التيليفون .
ابرار: شكرا بزاف.
جات خارجة و هو يردها بصوتو .
بكر : فين غادا؟
ابرار : لبيتي؟
بكر : دوزي تركدي.. راك مرتي واقيلة؟
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
