مكتوب الخير

‎الجزء 168

فعلا قطاع الصحة ولا زيرو فهاذ البلاد لا تاع الدولة ولا الخاص بالخاص دخلتي المريض و خلصتي واجباتك  غيتعاملو معاه عااادي و لا دخلتيه و تهليتي بالفرمليات غادين يحسنو بيه .. مكنقللش من مهنة التمريض لكن فعلا ولا واحد الانحطاط  كبييير .. فعلا قليل لا لقيتي شي فرملية  عندها الرحمة و تشد الخاطر للمريض ..  ماعرفتش واش هدشي راجع للمستوى لي بين الطبيب و الممرض؟ مكنضنش انه كاين شي فرق يقدرو يكونو بجوج ولاد الشعب و بجوج كيحبو العمل تاعهم و لكن علاش كلقاو بزاف تاع الممرضات مكيديروش خدمتهم بحال الاطباء؟

~~~~~~

هبطات عند كمال وهو المدير دالمستشفى و  بيدو يقبل و بيدو ما يقبلش.. من بعد الامر بالدخول

كمال :  اهلا دوكطوغ صفاء..  تفضلي

صفاء : الله يكبر بيك .. بغيت نتكلم معاه بخصوص واحد الموضوع الى كان ممكن

كمال : مرحبا طبعا تفضلي.

صفاء: السيدة  لي فالغرفة 100 كفاش حتى جبتوها ؟

كي سمع الغرفة 100 تلون كاع الاوان ظهرو على وجهو .. شاف فيها و دوا بالزربة

كمال : نقدر نعرف  علاش هاذ البحث ؟؟

صفاء: السيدة  ماعدنها تا حاجة ..  فعلا كتهدن ملي كنعطيوها البرا ولكن  راه مكتعاني  من حتى  مرض عقلي  اذا علاش هي عندنا هنا ؟؟

كمال :  دوكوتور صفاء ..  تقدري  تكملي  خدمتك  المرضى  كيتسناوك  و الغرفة  100 غنكلف بيها الذ ك..

صفاء(  قاطعاتو  باندفاع الشيء لي  خلاها توقف و ضرب على الطبلة)   ااااشمن  غنكلف  ذكتور و لا  كزاار ...  هاديك  المريضة  النهار اللول انا لي  تبعت معاها اذا غتبقا تحت المراقبة  تاعي حتى النهار تخرج  و بالنسبة  لداك  التنوعير  تاعك انت  و  الاطباء  لاخرين  فراه ناخدامش معايا ..   يا الضومين ترجع فيه التزاهة و لا خويو لي بوسط  لماليهم  ..  مافهمتش اصلا شنو علاقتك بميدان الطب ..هه قالك مدير ... غير غالطين خصهم يقولو  كزار .. اه و باش  ماتعدبش راسك و تعطيني الطرد ديالي   راني  دايرة معاكم  كونطرا و مدتها طويلة

قبل  مايجاوبها  خرجات و زدحت عليه الباب  .. دخلت للبيرو تاعها و  كتبت رابور كتعود فيه كلشي هدشي لي طرا و كاع دكشي لي  كيطرا و كيشدو فيه الفلوس .. 

#يتبع