بقاو داوين ماحسوش بالوقت .. ولمن فالاصل لا هي باغا تهضر معاه ولا هو باغي يضعر معاها.
تفكرات الوعد لي كان عطاها .
ابرار: حقا ..كنتي قلتي ليا غتشري ليا تيليفون
بكر : اممم نسيت عندك الحق .. تشغلت مع الخدمة دابا نخرجو ونشريه لك
ابرار( ضارت شافت فيه) ماقلتيش ليا فاش خدام ..
بكر: و علاش باغا تعرفي؟
ابرار: ماعرفتش ولكن يمكن خصني نعرف.. كدخل مرة فشحال و تمشي وقتما رشقت ليك..( دوات بالشوية) واش انت بز.ناز؟؟
بقا كيشوف فيها شحااااال و هو يتفركع بالضحك و كانت اول مرة غتشوفو كيضحك من قلبو .
بكر: هههههههههههههه كيفاااش؟؟؟
ابرار: م..ماعرفتش.. انا هدشي لي يسحاب لي
بكر: و سير انت عصر مخك و انڤيستي فلوسك باش تجي برهوشة تردك بز ناز
ابرار: انا ماشي برهوشة .. و فاش كتانفيستي فلوسكز
بكر( خدا زيف كيمسح فيه فمو و يديه) : انا رجل اعمال عندي بزاف دالشركات فطنجة .. باقا باغا تعرفي شي حاجة اخرى ؟
ابرار: بزااف دالشركات و عليش فالخلا؟؟
بكر: حمدي الله بنادم تاه عايش فالزنقة كيضرب فيه البرد و الصهد ..
خنزر فيها وطلع كيحل فالصدف تاع القميجة.. تلقات ليه ندى فالدروج و هن يهزها عندو
بكر : الگلب .. كيبقيتي.. قالولي مكتقرايش مزيااان؟
ندى: لااا بابا ايييي كدبو عليك.. جبت نقط زوييينين.. جبت خمسة فالرياضيات
بكر: تبااارك الله خمسة كااااملة.. كترتي لاا
ندى: ههههههههه لاااااا
بكر ( جمع الضحكة دغيا و شاف فيها ) : اسيري تقراي و لا نوريك قالاك خمسة باغا تولي مكلخة ..
ندى ( بقات كتشوف لتحت غير سمعات مكلخة و هي تهز راسها) بابا شنو هي مكلخة
بكر : هي ندى الجديدة
ندى: هااااء؟؟؟
بكر :هههه اكنضحك معاك.. مكلخة هي غبية ماباغاش تقراي .. كاعما غتحقي احلامك ..
ندى : لالا بابا انا كاعما مكلخة .. بغيت نولي امممم بيلوط ..
بكر : واه واه بقاي تجيبي خمسة و غتولي بيلوط تاع طاكسي سيريسيري .
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
