سدت الباب و مشات ركبت حداه .. عندنها بزااف ماتقول و ماقادة تقول والو حبسات هضرتها ففمها و قلبات وجها للزاج .. زايداها بالنفاخة و مابقات قاداها دنيا .. شد ليها فسدها و عينو على الطريق
بكر : مال الزين
ابرار : ( كتمصق ففمها ) وااالووو.. شحال غتكلس
بكر : ماعرفتش ولكن غنتعطل
ابرار : اممم.. فين غتكلس .. الدار لي كنا كلسنا فيها
بكر : لا فلوطييل .. شنو مادامتي كتشك ولا
ضارت شافت فيه و زيرت لو على يدو .. رمقاتو بملامح حادة و يمكن لاول مرة تكون صريحة فهضرتها
ابرار: ماشي شك و انما غيرة .
طلقات ليه من يدو و رجعات كتشوف فالطريق
ابرار: مرا كتغير على راجلها .. فين المشكل؟؟
بكر: و معندش بالي راك تغيري
ابرار : علاش زعما
بكر : عمرك بينتي .. الا مع ڤيليشيا
ابرار : حيت ماكنتش مقتانعة بك
بكر( عبس كمارتو) : مقتانعة بيااا؟؟ شرويطة غتشريني و لا كيفاش بلانك ؟؟
ابرار: كنتي كتحكر عليا
حبس اللوطو قبالة المحل و سكتها
بكر : نزلي نزلي باركا من الهضرة
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
