مكتوب الخير

‎الجزء11

هز مانطة  صغيرة لولدو دارها فالطموبيل  و ركب ندى  اللور .

بكر: ديري  السمطة  و ردي  البال لخوك.

رجع ديمارا كيقلب عليها و يحنزز لابانت ليه و لي  كيبان لو كيسولو..  بانو ليه شي وجال كبار كيتمشاو و كيدويو ..  نقص السرعة حداهم و هبط الزاج دلوطو

بكر : السلام عليكم ..  اسيادنا

كلهم: عليكم السلام

بكر :  الله يخليكم بانتش ليكم  واحد  البنت  تكون  عندها  15 لسنك بحال هاكاك؟

واحد منهم:  واحد  البنت  سىلاتنا  على السوق لهيه  فطريق الحافة 

بكر :  الله  يرحم الوالدين..  (  طلع الجاج و بدا  يسب)  دينمها  بقا لنا غا السوق   فالليل  .. 

غادي  و كيحنزز  و  مع الضلام مكيبان ليه  وااالو ..  واحد  الساعة  كيبان ليه  الناس  مجوقين  عليها  فالطريق  وكل واحد  شنو كيفتي  ..  براكا  اللوطو  جنب  و هبط عندهم 
.. لقاها  طايحة  فالارض  سخفانة  ماعقلا على تا حاجة  و لابسة  واحد  الجلابة  كتبان بحال شي طلابة  ولا  شي وحدة  هربانة  من  دارهم  ..  كاحز علبها الناس  و  هزها بيديه  و كلشي  كيسولو  واش  كيعرفها  و شنو كتجيه..  كيعرفو عليه  انسان  معقول  و من النهار ماتت مرتو  ما شافو ضحكتو .. حطها القدام و دار ليها  السمطة ..  عفط  عفطة  وحدة  للدار ..  فيحين هي  بدات كتفيق و تحاول تفهم فين راها ..  كتلقا راسها فالطموبيل وهي كيغوت و يسب و يعرق .. 

ابرار(  شادة على راسها) :  فين غادين.. شنو وقع؟

بكر: اسسسكتييي.. وليتي  تخرجيي ديييعي ..  باغا ليواق انا نوري جد  اصل  مك  الصواق كيديرين..

وقف الطموبيل  هبط ولادو هوما اللولين  و رجع  ليها  لقاها كتحاول  تنزل  بصعوبة  ..  جرها من  بدها حتى  غوتات

ابرار: اييي.. بالشوية  ..

بلا كلمة  بلا جوج  دخلها  للدار نيشان لبيتو  ..   سد الباب  و  جبد  السمطة  .. 

بكر :  فين كنتي  خارجة؟؟

خرجات عينيها  على موسعهم ..  رجعات للور  هربانة  منو ..  عرفات اليوم  تاكل  قتلة  ثاني 

ابرار:  اويلي  شكديييير؟؟؟؟ نعل الشيطاااان ... راه  و الله  مادرت شي  حاجة  اصلا و الله مافاهمة  شي  حاجة  الله يهديك 

هو كيقرل و هي  كتبعد  ..  حتى  براكا  مع  الماريو و شحط معاها ..  (  شدها من شعرها  و بدا يضرب فيها فينما  جات مرة  بالبزيم مرة  بيدو  كاع  غدايدو  خرجهم  فيها ..  خرج  و خلا ليها  البيت ..  كتبكي  و تغوت ربي لي  خلقها ..  اما ندى غير شافتو خرج  من البيت  مشات كتسلت  كتشوف فيها من الشقة  دالباب..  كتغمض عويناتها و تعاود تحلهم ..  بقات فيها و لكن هي اصلا كاعما كتحملها.. و لكن كيفما كان الحال  كتبقا  بنيتة  صغيرة. مشات عندها و كلست حداها فالارض  كتقيس فيها

ندى :  مالكيي؟؟  شنو درتيي.. شتي  بابا  كاعما كيبغي  البسالة ..  ديما تيقوليا ماديريش البسالة.. و مبقا نسمع الهضرة  و انت علاش  ماسمعتيهاش؟

#يتبع