لبنت: خالتي ديري ليا ماكياج بغيت نولي بحالك كتباني زوييينة
ابرار ( جابت ليها الضحكة ) الله يهديك تمناي شي حاجة كبيرة و زويييينة اما تكوني بحالي ماشي شي حاجة زوينة
البنت: اممممم بغيت يكون عندي زوج بحال بابا كبييير و عندو عضلات هههههه
ابرار : هههههه عفريتة .. لا قولي بغيت نولي شي حاجة زوينة بغيت نولي معلمة او طبيبة
البنت: امممم بغيت نكون فراشة
ابرار: هههه واخا و علاش ؟
النبت ( حدرات عينيها) باش نمشي عند ماما لجنة
خشاتها فسدرها و بقات كطبط عليها
ابرار: ماسبقاش فك الحال بقاي دعي معاها .. فين كتسكني
البنت: بعيييدة معرفتش
ابرار: معليكش احبيبة ... سيري عند باباك
البنت: كالس مع الرجال و اصلا مخاااصمة معاه قالي انتزوج و ميما معرفتش فينهي
طلعاتها عند العيالات و خلاتها كتقلب على جداتها و مشات هي لبيتها تكمل توجادها ..
الموسيقى مطلوقة على الجهد و ركادة خدامين .. دايرين غير بيناتهم الموسيقى تال العرس و يديرو دكشي دالفريع .
العيالات حيركم فالكتف و ناشطين اما ابرار هي و مها غيطرطقو .. دخل الفقيه و عيطو عليها هي و بكر و واليديهم.. بقا عليهم بالهضرة و ابرار كتسناه غير ايمتى يسالي وصل للقرار تاعهم و بدا كيسول فيهم .
بنيتة صغيورة باقين على وجها ملامح البراءة و الطفولة دايرة زيف على راسها و مهبطاه .. فجنبها راجل عامر كتبان قدامو كي النملة يديه معرقين و كتافو منفوخين .. الى كنتي باغا تزوجي ماتختاريه غير هو من الرجال كاع البنات كيحماقو عليه تاع الدوار لكن ابرار صغيرة .. بنت .. طفلة... وردة عاد كتفتح .. كيفاش غتفكر فالزواج ؟ .. كفاش تغصب فشبابها؟ كفاش غتزوج بهاذ الاسنان لي مكتعرفوش اصلا ؟ عمرها دوات معاه ولا كلماتو حتى السلام هي الثالية عمرهم قراوها على بعضياتهم.. و دابا كيسولها الفقيه واش قابلة تزوج ب بكر البراوي.. عيات متحاول تخرجها من فمها لكن لسانها رفض انه ينطق كلمة "قابلة"
ابرار( بالدموع من عينيها ) : ماقابلاااش ( بدات كتبكي و كتشهق )
كلشي دارو كيشوفو فيها و مخرجين عينيهم .. كيييفاش بنت برهوشة لاصقة فالارض تاهي ولات كتقول لا وبلا حشمة بلا حياء .. باها ولا كولو كيقطر بالعرق و مها كتقطر فسروالها بالبول .. ماعندهمش البنت تقول لا .. الكلمة كلمة راجلها و كلمة باها .. حتى من العدول لي خاصو يحبس الزواج دار راسو بحالا ماسمع والو و عطا لبكر يسيني لي غير ساكت و هاذ السكات تاعو بدا كيخلع .. دوز ليها تسيني و بلا كلمة بلا جوج ناض باها جرها من شعرها و بدا كيضرب فيها قدامهم
الاب: كبر لك الشاااان و وليتي تقولي لاا... سني ولا نباصي جدك روح مك مع الحيط ...
ابرار( شادة على راسها و كتبكي ) : عفاك ابابا راني صغيرة حرام عليك ..
ناضت عندها مو و مها بقاو كيطلبو فيها
مها(بصوت خافت) : نوضي ابنتي .. نوضي حشمي ماذيريش الشوهة قدام الناس.. راه راجلك غيولي هاذ السيد مطيحيش من قيمتو قدام العباد ..
مو: احبيبة ماتخافي والو راك بحال بنتي مايخصك والو و غيكبرك على يدو ..
قوة الهضرة و قوة الاراء و الطليب و البكا و الهضرة فالودنين واخا غير بيناتهم لكن بكر ماعمر شي وحدة رفضاتو .. ناض جرها من شعرها و باها كيشوف و عاجبو الحال حيت عار البنت طيح كلام الرجال .
بكر: اسسسمعي بالرررب و ماتسني بالخاطر لابقيتي شتي ضوء ربك.. ( بقا جارها تال عند العدول و خدا من عندو الستيلو ) ايا طلگينا .
كلها ولات دموع وتحتها فازگ بول ..خدات من عندو الستيلو كترعد كتسني و مغمضة عينيها . قالت اخر كلمة قبل ماطيح و تغيب
ابرار: انا مازالني طْفْلَة
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
