طيييط طييييط صوت الصبيطار و الماكينات كيلطخو فراسها حلات عينيها بالشوية كتبان ليها مها و ختها و باها فوق راسها .. كيتسناوها تفييق .. بتاسمات ملي سافتهم حسات بالدنيا ضحكت ليها من جديد
الام: فااقت .. كتحرك عينيها
الاب ( كيهضر تحت نيفو ): ححشووومة علك ابنتي شوهتينا مع النسيب .. على هادشي ربيناك ؟
الام: عندو الحق غي ماقالك ضماغك .. هادو الترابي لي ربيناك ... قوولييي؟؟؟
الاب: حنا ماجيناش نتحاسبو معاك .. حنا مابقات عندنا بنت .. ( لاح عليها شاشيتو ) من اليوم ماتنسبي عليا ما نسبك علك .. قليلة الترابي .. كون ماشتك فالفراش كتموتي نقتل باباك و نتهنا .. ( شاف فمرتو ) اااووولدي البنااات ... الشوووهة ... ااا االشوهة بعينها هي البنات .
خرج و مشات تبعاتو مرتو من اللور .. جات تابعاهم البنت الصغيرة و هي تعيط ليها ابرار
ابرار( بصوت بالكاد مسموع ): زهرة .. زهرة ..
ضارت عندها كانت بنت صغر من ابرار حروفها باينين على ابرار و حنيكاتها موردين .. شدات ليها فيديها و كدوي معاها بالشوية
ابرار: ماتخافي من والو .. غنحيدك من حداهم و غنجيبك تقراي فالمدينة كنت واعدتك غير كوني هانية ..
زهرة ( بالخوف): واخا ختي ( شافت موراها) خاصني نمشي بسلامة .
غير تسد الباب و هي طيح ليها هضرت ميسون صحبتها " .. اودي غير ربحي بهاذ الزواج .. دابا اشوفي كي غيطلع لك و الله لا طفرتيه... ياربي السلامة غا كتنفخو شوية كتوليو باغين فيمن تلسقو و تزوجو اعود بالله من هاذ الخلق.. و جيت نعطيك اختي طبسيلكم و ماتبقاي تعرفيني مانعرفك " طلقات العينات لبكاها حتى مابقا عندها جهد.. كلشي خلاها .. و تاواحد ما بقا باغيها زعما كاع الناس غالطين و هي لي فاهمة ؟
من بعد شحال دالوقت تحل الباب دخلات منو الفرملية و بكر .. مشات كتقاد ليها فالسيروم و تعبر ليها الضغط ..
تكا على ااحيط بقا شحال كيشوف فيها و نطق من باد ما خرجت اافرملية
بكر : عجبك دابا الحال ؟
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
