ديمارا طوموبيلتو حتى وصل لدارو حطها و طلع .. حط السوارت و شعل الضوء تاع الدار كامل.. كل ركن فالدار كيفكرو فيها .. واخا ما عمرو بغاها ولكن البرهوشة خلات طبعة فراسو .. شاف فالطبلة تفكر ملي كانو كيكلسو ياكلو .. مرة يبزز عليها تكلس مرة تكلس بخاطرها مرة دير لو خاطرو.. حرك عينيه جهة الصالة بان ليه الكروشي تاعها .. الحاجة الوحيدة باش كانت كتلف الوقت هو داك الكروشي.. حداه تقلش دالصوف صغيوريه صوبتهم ل علي الله يرحم ... تمشا بخشوات هادئة هزهم و باسهم ... كلس على الطرف السداري ضايرة بيه الدنيا .. و من خلال هضرة البوهالي زاد تبين لو الوضع انه تا هو غلط معاها.. بنت لي تغصبت فشبابها و مشات اربي دراري ماشي ولادها و عاشت مواقف كبر من السن ديالها بكثير .. شنو دنبها ... عقل يقولو راك تا انت غالط و عقل يفكرو بلي خانتو مع صاحبو و سحرات ليه .. بقا كالس تما فديك الصالة عينيه مكربين بلا نعاس حتى قال الآدان "الله و أكبر " ناض صلا صلاتو و كي سالا ناض حل السرجم لي مقابل معاه و هو يضربو واحد البرد خفيييف .. رجع كلس بلاصتو و غطا وجهو بيدو و بدا كيطلب الله و يدوي معاه
بكر : يااا ربي اني عبدك الضعيييف اغفر لي و سامحني .. ياربي عصيتك و عصيتك و عصيتك لكن متاكد بلي رحمتك واسعة و كبيرة ... ياربي وريني الطريق الصحيحة و راني حرت و ماعنديش من غيييرك يااااربي
كمل بآية الكرسي و ناض بدل حويجو و خرج من بيتو هبط لتحت نعس لان داك البيت عندو معاه شلا ذكريات..
~~~~~~~~
بعد مرور 30 يوم
دكو ليها البرا و لات كلها مرخية و غير مركنة كتشوف ب عينيها و تحت عينيها كحال اما ااطبيبة غير واقفة فراس الباب و كتشوف فيها و قلبها كيتحرق كدوي مع فرملية واقفة حداها
الطبيبة: من نهار دخلات عندها و انا متبعة حالتها و دوزت العديد من المرضى فهاذ المصحة لكن عمرني طحت فبحال هاذ لوكا ...
الفرملية : و علاش جابوها نهار الاول ؟؟
الطبيبة: قلبت من مورى هاذ القضية و دراري لي كانو مكلفين بالصطافيط جراو عليهم
فرملية : ولكن موسيو كمال ضروري ماتكون عندو شي معلومة
الطبيبة : عندك الحق خصني نمشي نشوفو و نهضر معاه مايمكنش السيدة تبقا تهلك فصحتها لحمها كاع ولا زرق بالبراوات و هي ماعندها تا حاجة تستاهل
جراتها الفرملية من دراعها و دوات معاها بالشوية
الفرملية : دوكطوغ.. سمحي ليا عفاك ولكن انا مالك فهدشي خليها ياك مكتعرفيهاش على الاقل ملي دوز اللجنة تبان ليهم ك مريض بدا يبان فيه اثار العلاج
خنزرات فيها و نترات يدها منها
الطبيبة :قطاع الصحة قطاع شرييف و النهار تخرجت اديت القسم باش نادي عملي على اكمل وجه .. محول صحة بنادم غادا و تهبط غير بسباب الناس لي قلال الرحمة بحالك
#يابع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
