شرب كاس دالماء و خرج عدنهم كل واحد كيشوف فقنت الجو مكهرب مزيان لكن خاصهم يفاريو المشكل فاسرع وقت ..
الحوار بالانجليزية و الدارجة و التركية
بكر ( كيشوف جهة د ڤيليشيا): مانقدرش نديك معايا دابا قبل ماتقادي وراقك..
ڤيليشيا: الباسبور تاعي عندي كنت شفرتو ليهم ..
عدنان( شاف فبكر 🙂 علاش ناوي ديها معاك للمغرب ؟
بكر : واه هادشي باش كنت مواعدها
عدنان : حق ررررب الى راك مخور فدماغك
بكر : علاش( عقد حجبانو )
عدنان : خليها معايا انا غنقابلها و نقاد ليها وراقها لي خاصينها و نجيبها عندك
بكر : عرفتي لا درتيها منساش ليك هاذ الخير
( شاف فڤيلي) غنبقاي مع عدنان هاذ الفترة باش يقاد لك وراقك و يعاونك و فتجيو بجوج
بحالا ضربها بطرشة حسات براسها غتخور و عدنان غيدير فيها مابغا خرجات عينيها فيه بخوف و ناضت كلست
ڤيليشيا: لا .. لا لالا مااايمكننننش نبقا معاااه.. انت واعدتيني ديني معاك .. مانبقاش معاه لا
جمع حجبانو و كرنن .. بدا كيحس بشي حاجة ماشي هي هاديك ماشي دري صغير باش دوز عليه و لكن صعيب يشك فعشيرو مخبي عليه شي حاجة
بكر : شنو كاين بيناتكم نتوما ؟؟؟ مافهمتش ؟؟؟
عدنان : مابيناتنا والو اصلا من الاول مابغيتكش تخشي راسك فهاذشي على الاقل انا عايش وسطهم و قاد بيهم انت عندك ولادك و غيتزاد عندك وليد دونك ماتهز هم انا نتكلف
شاف حتى عيا ماعندوش خيار اخر و عدنان عمو الحق فهضرتو .. دور الشوفات تاعو لاتجاه ڤيليشيا و كيحاول يطمانها
بكر : ماتخافي من والو .. راه عدنان خويا غيعاونك بزاااف كوني هانية
# يتبع
أنت تقرأ
مكتوب الخير
Romantik~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
