فاقت على الدقان تالفة .. شعلات التيليفون بانت ليها الستة دالصباح ..
ابرار؛ السلامة
ناضت لوات عليها بينوارها طلت من السرجم بان ليها بكر متكي على الباب .. هبطت حلت عليه ووجها منفوخ بالنعاس ..
بكر :( كيطلع فيها و يهبط ) صباح الخير
ابرار:صباح النور ( سدت الباب و مشاو تكاو فالصالون )
بكر : البرد علك بهاذ الحوايج
ابرار: البيت الفوق كان سخون
بكر ( كقيس فوق فخدو ) اجي اجي
عقدات حجبانها باستغراب .. مافهمتش هذا مالو واش دارت ليه الكراهية و لا المحبة .. ناضت كلست فوقو و هو متكي على ضهرو .. هبط ليها لعا البينوار و باس على كتافها
بكر : غنتوحشك
ابرار( ضارت شافت فيه) على فبن غتمشي
بكر : لتركيا .. عندي شي خدمة
كي سمعت تركيا شداتها نغسة فقلبها بصح باغا تفارق معاه و تنتاقم منو و لكن كتحس من جيهتى بشي حاجة
ابرار : و انا ؟
بكر : انت غتكلسي تخدمي( باس ليها يدها) مادامتي غتقابليا شغلي
ابرار: واش كدوي بصح .. انا منين غنبدا لك دكشي ؟
بكر : دويت مع الكاتبة و الكونطابل يعلموك اي حاجة بغيتيها ..
ابرار: و شكون غيديني و يجيبني
بكر : عندي الدار قريبة للشركة فطنجة .. غتكلسي فيها و شفت لك مع واحد السيدة كتعلم البيرمي تبداي معاها .. انا ماعارفش شحال غنتعطل و لكن مخصكش تبقاي غا كالسة فالدار ..
فرحات حتى شعلو البولات فعينيها
ابرار: بصح غيولي عندي طموبيل
بكر : و تا تنجحي فيه بعداا..
ابرار: و انت ايمتى غترجع؟
بكر( تنهد) ماعرفتش.. غنحاول نكمل دغيا و نجي
ابرار: نوض نوجد لك فطورك و نجمع لك حوايجك
يا الله جات تنوض و هو يردها فوق منو تزدحات بالجهد .. كيدوز على شعرها و يبوس فكتافها
بكر : خليك عندي .. الفطور وقتما كليناه ..
عمرو عنقعا بالجهد و فتح قلبو ليها .. تا هو جاتو صعيبة يمشي و يخليها .. و لكن خاصها تعتاند على راسها و فنفس الوقت خايف عليها من الدياب لي دايرين بيها
ابرار: مالك ؟؟
بكر : ماقادش نخليك ورايا .. خايف علك منهم
ابرار: من شكون ؟؟
بكر : من كلشي.. غنوصيك و سمعيني.. عمرك تسني على شي ورقة .. عمرك تخرجي من البيرو ديالي قبل ماتسديه بيدك ماتيقي فحد .. راهم غيجيوك فصفة الملائكة كنوصيييك ردي بااالك الخدمة مافيهاش اللعب و خصوصا دابا
ابرار: انا كيفاش غنرد بالي و مكنفهم فوالو
بكر : قبل ماديري اي خطوة صيفطي ليا ميصاج
ابرار: كيفاش ندير
بكر : كيفاش كيفاش ندير .. ياك كتعرفي للفروني و العربية
ابرار: اااه
بكر : سيري جيبي تليفونك
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
