اول مرة يخرجو من باب الدار مصالحين .. هي فعلا صعيب عليها تبغي واحد .. ولكن الليلة لي دوزت معاه جامي تنساها .. زائد ملي فكرت لقات اللهما تمشي معاه على قد عقلو و دير شكيقوليها و لا تجيبها فعضامها .. طلق الراي اغنية خفيفة على قبل علي ماتصدعوش .. بقاو غادين و كيتمزكو و مرة مرة تسولو ولا يسولها على شي حاجة حتى وصلو للكلينيك .. بقات هي فالطموبيل و هبط هو يجيب بنتو .. من بعد نصف ساعة تاع الاجراءات و يعاونوها تنوض .. خرج هازها فيد و ليد لوخرى هاز صاكها .. غير شافت ابرار فلوطو و نط تكحل بالعماء.
ندى : باباا.. علاش كاينة هاديك
بكر : حشوومة هاديك طاطاك ابرار . ماسميتهاش هاديك
ندى : تتتءءء ماشي طااطا.. كاينة غير طاطا مليكة توحشتها بزااف بغيت نشوووفها
بكر : دابا ندي بنتي عندها انشاء الله
حطها اللور حدى خوها .. تخبات ورا الكوسان دباها باش كاعما تشوفها . ضغطات على نفسها كيفما كان الحال راها بنت صغيرة و كانت مريضة
ابرار : ندى.. السلام حبيبة ..
ندى ( بالنفاخة) السلااام
ابرار : كيبقيتي ..
ندى : بيخير
ابرار : مالك كتحوبيني ناقصة باقين مخاصمين ؟
ندى : لا كاعما مخاصمة معاك . اصلا ماما كانت قاتلي الخصام ماشي من صفات الرسول صلى الله عليه وسلم .
ابرار : تبارك الله عليك .. هاكاك نبغيك .. اذا علاش مكدويش معايا
ندى : هاكاك ..
بكر ( دوا مع ابرار بالشوية ) صف خليها على خاطرها دابا تصالحو .
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
