رجعات بيه ذاكرتو للحاضر ..
بكر ( فنفسو ) : الى كتقلبو على ديك الطريق ثاني مرحبا بيها على قبل ولادي .
مشا للشومبر فين منعسين ابرار باش يعرف شنو وقع لها .. لقا فرملية خارجة من عندها و هو يوقفها
بكر : سمحي ليا نسولك .. انا مع المرضية .. شنو عندها
الفرملية( طلعاتو و هبطاتو و بقات حاطة عينيها فعينيه): واش بنتك؟
بكر( فخاطرو): لاحولة ولا قوة الا بالله .. الصبر ..
بكر : لا بنت ولد عمي مات وخلاها امانة عندي كيبقات ؟
الفرملية: اوااااه مسكيييين .. الله يرحمو و باش مات
بكر ( شاف فيها مخنزر) ماكانش كيدخل صوق راسو ..
الفرملية: هاااء( عاد فهمت راسها ) سمح ليا . الانيسة كان عندها نزيف خارجي حبسناه ليها وراها لباس دابا ماخاصهاش تحرك راسها و خصها تبقا مرتاحة .. اليوم غتبقا عندنا علاما تكمل الصيروم و تقدر تمشي غدا انشاء الله .
شكرها بعينيه و مشا بقا غادي جاي فالكولوار كيحاول يعرف شنو غيدير و اول حاجة طاحت فبالو هي ايناس... كيسحاابليها فلتات بيها .. ديمارا اللوطو و ماوقفها تال حدا ڤيلا كبيرة و حداها الصقييل.جات فطنجة نيت .. كيعرفو ديجا العساس غير شاف طومىبيلتو حل ليه الباب باش يدخل و صونا على الخدامة تعلم مالين الدار
الخدامة: واخا شكرا
قطعات و مشات عند واحد الراجل كبير كالس فالجردة كيكمي فالسيكار و يبخ...
الخدامة: عزيزي.. سي الفيلالي راه جا
...:( حيد السيكار من فمو و طفاه فالطفاية لي على الطبلة) دخليه عندي
مشات لعندو لقاتو ديجا جاي متيس فالدار كيقلب و يغوت ... وقف و حل يديه كيستقبل فيه
بكر : فيناهي بنتك؟
عزيز: مرحبا مرحبا .. نهار كبير هذا ولكن كنعتادر ايناس فرحلة للبرتغال عاد لقيتيها قلعات
بكر :البرتغال ( فخاطرو) بنت الخرام هربت
عزيز: تفضل ..
بكر: شكرا ... كنت باغيها هي و ماجايش نضايف
عزيز : و انا كنعرض علك .. نتفكرو ايامنا د الناضور ...
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
