تحركو فاللوطو الطريق كاملة و كل واحد فيهم كيخمم فجهة و كل واحد و كتديه فكرة وتجيبو حتى وصلو حدى واحد لوبيطال جا بعيد على المنطقة شوية .. دخلو عند الطبيبة قلباتهها و بكر برا كيمشي و يجي .. غير مملات لبسات حويجها .. باغا تهضر و ماعارفا ماتقول حيت كاعندهاش اللغة .. خرجات عند بكر بابتسامة .. غير شافها وقف و سولها
الحوار بالانجليزية
بكر : شنو عندها ؟
الطبيبة: مبروك عليكم .. راها حاملة
عقد حجبانو .. ماقاد يفرح ماقاد يحزن .. علاش يحزن و ربي تفكرو بوليد و لا بنيتة وعلاش يفرح و هو مامستاهدش للولاد من جديد و عمرهم جاو فبالو .. دخل عندها فير شافتو بان ليها كي رحمة ربي مشات عندو و بعينين خارجين كتسول بلهفة
ابرار : بكر شنو عندي واش شي حاجة خطيرة؟؟
بكر ( باس على راسها و كيضور فعينيه ماقاد يبين لها والو ) مبروك علينا .. راك حاملة ماعندك والو .
ابرار : ح..حح..لف ؟؟
بكر ( شاف فيها ) واش مولف نكدب علك
دوا مع الطبيبة كتبات ليها شنو خاصها تبع خدا من عندها الورقة و خرجو و هي ماباغاش تسكت من الاسئلة
ابرار : كفاش حاملة انا باقا صغيرة .. كفاش نربي تلاتة؟
بقات داوية داوية و هو صوتها بدا كيصدعو .. حبس اللوطو فالجنب و شاف فيها
بكر : نعام ؟
ابرار( ضورات عينيها و حدرات راسها ): س..سمح لي.. ماقسدتش نبررطك .. غير تفاجات
بكر : كلنا تفاجانا و تا واحد ما كان عوال على هاذ الحمل و لكن اش غنديرو؟
ابرار( هزات عينيها فيه شوية و فيها البكية ): ما..ماعرفتش ..
بكر : كفاش ماعرفتش.. غتربيه كيف كلع العيالات رباو ولادهم .. علاش كاين خيار ثاني ؟
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
