مجموعين فبيت واحد و فجو واحد ولكن كل واحد و كيفاش كيحس .. حل عينيه ناشط و كيحس بالراحة من مورى الليل لي دوزو معاها . و ني مانعساتش بقوة الحريق .. ناعسة على جنبها و عاطياه بالضهر .. جرها لعندو و خشا راسو فرقبتها ..
بكر : صباح الخير ا زينة البنات
مارداتش عليه .. اثلا مكرهة منو و ماحاملاش الوضع لي راها فيه .. نعسات معاه بزز و ماحاملاهش يقرب منها ..
بكر ( زعزعها ) راه قلت لك صباح الخير
ابرار ( بصوة تاعب ): صباح الخير ..
بكر : ياك لباس ؟
ابرار : شوف انت
طلق منها وناض للحمام غسل وجهو .. تكا على لافابو و بقا كيشوف فالمراية . كاع داك الغضب لي كان عندو فرغو فيها ..و كاع الغيرة بردها فيها ..
بكر ( مسح يدو ) نشوفو بلانك انت ا سي عدنان ..
خرح من الحمام لقاها باقا على نفس وضعيتها .. مشا هز تيليفونو يشوف شحال الساعة و هو يتصدم بكمية الرسائل و لي زابيل .. من نمرة د ختوو
بكر : الله و اكبر .. الله يسمعنا خبار الخير .. سمعتيه صونا؟
ابرار : لاا.. ( ناضت كلست عاقدة حجبانها ) شنو كاين
بكر ( التيليفون فودنو و قلبو كيضرب فالتسعين ) ماعرفتش .. لقيت امنية مصونية عليا مليون مرة ..
قبل ما يكمل هضرتو جوباتو امنية بصوت مخنوق عامر دموع بالكاد فرز كلمات منها
امنية : خووياا... المييماا كتموت.. شوف واش تلحقهاا ولا لا
عبارة وحدة سمعنا تعاودات فادانو سبعين خطرة.. الميما كتموت .. شوف واش تلحقها ولا لا .. ناضت عندو ابرار كديه و تجيبو .. كتحاول تعرف منو شنو كاين
ابرار : بكر اش كاين ؟
بكر ( كيشوف فنقطة وحدة) مماا .. ماعرفتش واش لحقها ولا لا .. لبسي سربي
دغيا خركات جلابتها و غسلت وجها ..
ابرار ( كتجر فيه و تعطيه سوراتو ) هاك.. يا الله
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
