من بعد مرور شهر و نص .. ابرار ولات وحدة اخرى .. تعلمات بزاف تاع لي طيكنيك مع مادام سهام .. واخا كتعصبها لكن كانت كتصبر ليها حيت باغا تاخد حاجتها منها و الا غتولي ضحكة قدام الموضفين .. ايناس قدرات تسيطر عليها و ديرها خاتم فيديها .. لبسها تغير بالكامل .. ولات تا هي كتعري الشعر و تصوبو و تماكي ..
حلات عينيها على لالاغم .. اليوم مهم عندها .. خاصها توجد راسها مزياان .. ناضت بالخف غسلت وجها و حكات سنانها.. شافت وحها فالمراية كيبان عامر و مجبد .. لبسات سروال تاع تجين مع طريكو كحل بالعنق .. هزت نضاضرها و صاكها و نزلت خوات كاس دالحليب و كلات خبز حافي .. الوقت ماكينش.. باقا كتنضغ و هي ضرب على طيليفون شعل كتصوني عليها ايناس.. حلات الخط و دارت مكبر الصوت
ايناس: فينك اصحبتي راني كنتسناك قدام الباب
ابرار: وي هاني خاارجة..
مسحات فمها و شربات الماء عاد خرجت لقاتها واقفة قبالة الباب ببايم بيضة .. حلات الباب و ركبات
ايناس: اويلي تعطلنا .. مالك فقتي معطلة
ابرار: لاا غير تقييلا فشغالي و صف باش غنبداو
ايناس: نكشيو للصالون راه قرب رونديفو تاعنا و من بعد نشوفو باش نحضرو ..
ابرار : اوكي
مشاو للصالون رحبو بيهم الدريات قادو شعرهم و ضفيراتهم و دارو ميكاب خفييف باش يحضرو ..
ايناس: امم جاتك لاكولوغ غزال فضفيراتك ..
ابرار : حتى انت ماشاء الله جيتي فنة
خلصات ايناس بلاكاغط و خرجو مشاو لمتجر كتقدا منو ايناس ديما ختارو معاهم ديغوب سواغي باش يحضرو .. شدات فيدها اللبسة و بقات كتشووف فيها
ابرار : ماشي معرية؟
ايناس : منيتك اصحبتي واش كيسحاب لك راسك راك فالريف الى تعريتي يقتلوك .. لبسي لبسي و عيشي طا ڤي ..
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
