عدنان :( رجع تقاد فجلستو بابتسامة نطق ) انا باغيك
ابرار ( سرطت ريقها متبتة عينيها عليه مامتيقاش شنو كتسمع ) كفاش؟
عدنان ( قلب عينيه بملل) واش متأكدة نتي لي درتي هادشي كامل لبكر( تنهد مكمل حديتو ) باغيك يعني باغي نتزوج بيك
ابرار ( قلبها بدا يضرب بوتيرة سريعة نزلت راسها بخجل ) ولكن انا باقا مرات بكر
عدنان ( بابتسامة ) غادي نعاونك حتى طلقي منو .. من بعد انغبرو انا وياك لشي مدينة نعيشو فيها بجوج شنو قلتي ؟؟
هزت راسها مفيكسية عينيها عليه خدودها توردو كتلعب بصباعها بتوتر..
ابرار : خليني نفكر
اوما براسو بإيجاب.. جابو ليهم لفطور فطرو فجو مليء بضحك وغزل من طرف عدنان عينيه لي ما نزلهمش على ابرار اما هي فكانت مهبطة راسها اول مرة غادة تكون حشمانة منو .. سالاو لفطور خلص وخرجو ديها لبوتيكات تختار لي بغات من حوايج سبابط ميكاب وصيكان حتى ولات حشمانة منو..
ابرار ( كتشوف في بلاستيكات وفيه) حشمت منك ولله هادشي كامل ماشي بزاف ؟
عدنان ( خارج من لمحل وهي حداه نطق كيضحك ) لالة ابرار شنو هادشي؟؟ موالفة لك تحشمي ولا ليوم
عضت على شفايفها وركبت فطموبيل دوزو داك نهار غير فدوران فكازا عرفها على بزاف دالبلايص وعجبتها بزااف لقات حريتها فيها ...جا ليل وابرار بدات تعيا طلبت منو يرجعو لاوطيل.. طلعت نيشان لبيتها وفيديها لحوايج لي شرات... جالسة فوق لفراش وامامها لحوايج لي شرات كانو عبارة على كسوات حد ركبة مزيرين من لخصر ومفتوحين من جهة صدر حمقوها قاداتهم فجيهتها ورجعت لبلاصتها
دازو يومين فيهم ابرار لي رتاحت وفكرت فالموضوع لي فتح معاها عدنان فهود ليومين ماخرجتش من شومبغ كيجيبو ليها لماكلة حتى لعندها وعدنان من ليل ليل كيجي عندها لبيت يهضرو فشي مواضيع ولا يتفرجو فشي فيلم حتى تنعس ويخرج
امام لمرآة واقفة كتشوف فراسها.. كسيوة قصيرة فلون اسود مزيرة على خصرها ونص فصدرها كيبان شعرها جامعاه كوب شوفال كعب فلون اسود عالي.. سنيسلة مزينة رقبتها على شكل فراشة.. ميكاب خفيف من غير شفايفها بارزاهم بعكر لونو احمر .. رشت من عطرها تحت ودنها وفوق معصمها.. مشاو عينيها لتيليفونها لي من نهار جات لكازا وهو مطفي مدات يدها هازاه.. وشاعلاه غير شعلاتو بزاف دالميساجات وصلوها.. سمعت صوت طرقات فالباب حطت تيليفون فوق لكوافوز وتمشات بخطوات بطيئة وخصرها كيتمايل معاها حطت يدها على لمقبض فاتحة لباب امامو واقف عدنان بوسامتو.. خاشي يديه فجيابو.. طلعها ونزلها بعينيه ونضراتو كتوحيي لاعجاب مدو يدو هاز يدها حاط شفايفو على يدها
عدنان ( بإعجاب واضح ) سعداتي مصبح على هاد زين كامل...
ابرار ( مصت شفايفها بابتسامة بصوت انثوي نطقت) صباح الخير
عدنان ( تقاد فوقفتو ويدو مزال فيدها ) صباح الحب
خرجت من شومبغ سادة من وراها لباب .. شاد فيدها وصوت كعبها هو لي كيتسمع
عدنان 😞 بصوت رجولي) نفطرو هنا ولا نشوفو شي كافي
ابرار : كافي احسن
اوما براسو بإيجاب داير ليها خاطرها خارجين من لاوطيل
#يتبع
أنت تقرأ
مكتوب الخير
Dragoste~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
