مكتوب الخير

الجزء 7

دازت عليها سمانة تاع البكاء و الخنونة  حتى كتمشي  حدا البير تبغي تلوح راسها و تهنا و كتفكر بلي ماشي هادشي علاش  تربات .. 

ابرار:  اعود بالله من الشيطان الرجيم

لابسة كسوة طويلة بالكمام و دايرة  زيف لاوياه عليها ..خارجين منو  زغيبات  مع الشمس دالصباح كيبانو صفرين ..مع العلم ان شعرها ماغون مفتوح.. كتمشا تقييل و كتحاول تاخد اخر نفس من قريتها .. كضور عينيها فالجنانات و الديور و الدراري  كيلعبو و كتنهد كتقول مع بالها غا داك النهار تا انا كنت كلعب  و  كنقز هنا.. لقات رجليها وصلو بيها لباب الدار .. دفعاتو كان صغير من العود و قبل منو كاينة جريدة صغيرة فيها النعناع و الربيع دكشي طبيعي يقدهم غير هوما .. فاتت الغرس و حلات باب الدار .. صقيييل تقول تاواحد مكين فالدار ..  مشات عند ختها الصغيرة  تكون عندها 10سنوات ماكييراش عليها بزاف ..

ابرار: الزين ديال ختها مالك شادة علك؟

اختها(  بصوت حزين  و بترجي): بقاي  معانا .. معامن غنبقا لعب انا؟؟

ابرار: ااا ختي حبيبتي (  شداتها ضماتها و بقات كتبىس فيها )  احيااني ...  لي تابعني باقي طويل ..  ولكن غير  كوني  هانية  (  جراتها كتشوف فيها )  كنواعدك وعد ريفي ماغنخليك  هنا.. غير  نرسي راسي و نعرف فين غنمشي و غنطلب داك المهاوش تجي  عندنا

الاخت( تخلعات و رجعات لور ): لا لا  مانعيش معاه..  ما شتيهش شنو دار لك داك النهار ..  اخليني  هنا فدار  با

ابرار: اسسسمعي وحلي ودنييك..  ماعارفاش  انت والو راني  كبر  منك  ..  اتبقاي  هنا  يمكن  يطرا لك كثر مني ..  هاذ الارض  ماعندنا مانبقاو نديرو فيها لا انا لا انت..  مازال محمد راه راجل داباااا يكبر و يدمر و كيفما كان الحال الراجل مايعيبو غير جيبو اما حنا هه  واهلييييه ...  دابا لي  نقولك  جمعي  خنونتك و توكضي ..  غنحاول نبقا نجي نشوفكم و نتىاصل معاكم ..  كوني عيني و ودني فالدار ... كيفما باع وشرا فيا غنعرف اش ندير معاه خلي ليام و الله بيناتنا ..

الاخت: حشوومة ختي تقولي  هاكا راه بانا هذاك

ابرار: قلت لك راك باقا صغيرة  ..  هذاك  من غدا يجيه واحد  يعطيه صداقك كثير و تفرجي لاوليتي  كلستي تا عشية هنا.. داك الحلوف قريب يجي نوض نسلم عليكم و نهز باكاجي

ناضت عافطة على قلبها و مقررة اول واحد تنتاقم منو هو باها .. اه باها  لي  كبرها  و رباها  و دمر عليها ..  ولكن  باش  يبيعها!! تال هادي وامقداتش ليها ..
بدات كتسمع صوت الكلاكصون..  كان وصل بكر .. راكب فميرسيدس داير نضاضرو ولابس قميجة فالكحل   كتافو غيطرطقو عليها و مطلع ليها الكمام .. سكت لوطو و نزل كيدق..  قغزات من  بلاصتها كي سمعات الدقان .

ابرار: يا لطييف ... اميييمتي
#بتبع