حياتو ولات ضلمة ساد عليه فبيتو و ساد الشراجم و داير الريدو .. قبالتو البانت دالكارو و الطفاية عامرة .. مكين غير بر و كمي و لي سيغن ولاو كحلين و عينيه حومر .. جاه طيليفون هزو و فتح الخط داير هوط باغلوغ و كيبرم
بكر : ( بصوت باح) شتما
عدنان: و صحبي واش صرطاتك الارض فيينك شحال و انا نضور علك
بكر : الساعة الله ماعندي كانة لتاواحد
عدنان : و الخدمة ؟ الشركة راه عليها الصداع و ايناس راه نزلت للمغرب
بكر : الله يسهل عليها مسكينة
عدنان: هه ايه مسكينة .. تهلا انا فالمغرب لا بغيتيني جيت نطل علك قالو ليا شحال ماجيتي
بكر : تلاح
قطع عليه التيليفون و كمل بريمو .. شعل و بدا يكمي و يشوف فالسماء .. كيفكر فكلشي حتى كيحس براسو مكيفكر فوالو .. نترة من مورا نترة حتى طفاه و شد على راسو بيديه
بكر : اااما يا ممااا
نزلات لقات الخدامة كتحط فالماكلة الطبلة عامرة غير دالفطور مملحات و حلويات .. و بهيجة كالسة كتضور فالتيليفون غير شافتها حطاتو و جرات ليها كرسي
بهيجة: صباح الزين اززيين .
ابرار : صباح النور ( كلسات )
بهيجة: كي صبحتي ؟ بتي مزيان ؟
ابرار : اه حمد الله شكرا
بهيجة : يا الله نفطرو باش نشوفو اس غنديرو
ابرا : واخا
كلات على لي قدات و بهيجة غير كتشوف فيها حتى سالات و مسحت فمها
ابرار : الله يعطيك الصحة هدشي لديذ
بهيجة : لالا .. السيدة هي لي طيبات ماشي انا
ابرار: ااه ..تبارك الله عليها
بهيجة : يا الله نوضي نوضي عندنا شلااا مانقديو ( غمزاتها)
ابرار : فين غنمشيو ؟
بهيجة : امممم ( كتعص فشنايفها و تهضر ) اول حاجة تبدلي لوك ديال شعرك .. امم سبغيه بلاكاجو ... اممم او نقاد لك شي ميكاب ناااضي و نمشيو نصهرو
ابرار : اويييلي .. انا عمرني درت هدشييي
بهيجة : راه هاذ التبهديلة تاعك هي لي مخلياه داير فك مااابغاا الهبييلة ... ياك بغيتي غييير طلقي منوو ايوا تبعيني و نفرجك
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
