كتالم و تحرق لانها بلا بنج كتخيط ليها ... سالات و خلاتها كاع عروقاتها سايلين .. ناضت غسلت يدها و جمعت ماطريال تاعها .. حل ليها عدنان الباب و خرجات
الطبيبة : غتولي مزيان بلاما تخاف عليها ..
عدنان : شكرا انشاء الله
الطبيبة: خلين ورقة فوق الطبلة باش تشري ليها داك الدواء
عدنان : صف نخرج ناخدو.. بسلامة
رجع للصالة لقاها مجبدة و كتشوف فالسماء .. دار كرسي و كبس حداها كلعب بكغيط فيدو
الحوار بالتركية
عدنان : بسس .. هيه
ڤيليشيا ( دورات عنقها شافت فيه ): نعام ؟
عدنان : فين كتعرفي بكر
ڤيليشيا: هه ماقايلش لك ؟( ردات عنقها كتشوف فالسماء)
عدنان : سولتك انت
ڤيليشيا: هادي عماين كانو عاد جابوني .. كان محتافل فالملهى الليلي.. تقربت منو و طلبتو يعاوني هههههه كانو كاع صحاباتي كيضحكو عليا .. كيقولو ليا غيستغلك و يلوحك .. ولكن كاعما تخلا عليا ( شافت فيه ) بغيت ديما كنتفكرو و كنتسناه يرجع . وملي رجع زدت بغيتو .. حيت ماتخلاش عليا
عدنا : هههههههههه و فييييلم هو هذا عندكم .. اهاه .. و انت كي الهبيلة كتبغيه ؟
ڤيليشيا ( خنزرت فيه ): علاش زعما ؟
عدنان : ههههه ماعجباتكش مرتو ؟
ڤيليشيا: انا حسن منها ... عندي كاع معايير الجمال ..
عدنان : امممم .. معايير الجمال .. و حضي راسك اختي ..
ڤيليشيا: من شكون ؟
عدنان : مني .. تقربي ليها و لا ليه انا لي غنرضك عندهم
ڤيليشيا ( صرطات ريقها ): الى قربتي ليا غنقتل البيبي لي فكرشها
عدنان : شكووون ؟؟؟؟ مرت بكر ؟؟؟
ڤيليشيا: هه شتي هاني عطيتك معلومة جديدة
ناض خنقها بيديه بجوج بدات كتبخبخ و ضرب بيديها
عدنان : اقسم بالله و تقربي ليها تا نقتلك انا سمعتي..
سمع الدقان طلق منها و بدا كيقاد فحويجو و كيشوف فيها .. مشا حل عليهم الباب ابرار عير تحل ليها الباب طلعات كتجري لبيتها كتبكي و بكر تكا على الحيط كيمسح على راسو
عدنان( عقد حجبانو 🙂 شنو عندك؟
بكر : المدام حاملة .. ماكنا عوالين على والو
عدنان : مبروك العشير ... عاد قالتها ليا ديك القح.بة
خنزر فيه و دقع الباب بيدو و دخل للكوزينة
#يتبع
أنت تقرأ
مكتوب الخير
Любовные романы~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
