رجع بداكرتو الحاضر .. كيحس بالحريق و شي عرق كيضرب فراسو .. مابقاش قادر يسمع هادشي خايف على ولادو من هاذ الماضي بصح تاب لكن شكون قابل توبتك يا عبد الله من غير الله .
ديمارا للوطو للمستشفى يهز طريكتو منها بقالو غير يخيم تما و يكلس.. شافهم لقا ندى باقا على حالتها و ابرار فاقت .. طل عليها من الزاج و هي تخلع بغات تنوض تهرب ... ماباغا لاتشوفو لا يشوفها .. اشار ليها بيدو باش تهدن و سد الباب.. قرب ليها بالشوية و قاس على جبهتها كانت مدورة بالفاصمة
بكر : الحمد الله على سلامتك .. عارفك ماباغاش دوي معايا بصح ماكنتش ناوي هدشي يطرا ولكن قدر الله ماشاء فعل .. الحند الله على لطف الله .
خلاتو تا كمل و دورات وجها للحيط.
فهم بلي بصح ماباغاهش ماشي غير جايبة فشوشها عليه .
خرج من الغرفة وخلاها على خاطرها .
قلبها مجروح بلا قياس .. ماحساتش حتا نزلات من عينها دمعة سخونة و حارة .. خلات الدموع لوخرين يهبطو راسهم .. بغات تعرف غير اينا دنب دارت فحياتها تا ربي كيجازيها بهادشي .. .
بقات على ديك الليلة كانلك غير كتخمم و كتشوف فالسقف و تقلب يمين و شمال حتا طلع النهار و جا يهزها من .. دازو بجوج عند ندى واخا ماباغاش تشوفها ولكن ماعندها مادير غتقول لا غيسدق ضاربها.. كاشوف فيهم بعينيها دبلانين بالكاد كترمشش.. كلس حداها و شد ليها يدها لي فيها البرا دالسيروم ..باس عليها و بقا شادها فيدو
بكر : الكبيدة كي صبحاات ؟
ندى ( كتحرك غير عينيها و كتهضر تقييلة و بالشوية ) : لبااس ( شافت جهة ابرار)
ابرار( قالتها فوق النفس): الحمد الله على سلامتك
ندى ( دارت ابتسامة خفيفة ) شكرا
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
