مكتوب الخير

‎الجزء 141

ملي كلست وهي كتشوف فيها طلع و تنزل فيها ..  تقادات فكلستها و شبكات يدها

سهام :   الوغ مادام ؟؟

ابرار : ابرار

سهام :  باش  تكوني  امراة  اعمال و عندك وزن فااعمل و الميدان ديالك  خاص المنضر الخارجي ديالك يساعدك..

ابرار: علاش مالي كيجيتك؟

سهام( كتشير ليها بصبعة لطريقة باش كالسة) : مكنكلسوش هاكداك .. وقفي وقفي

ناضت ابرار وقفات مافاهمة والو هادي اش كدير

ابرار :هاني وقفت

سهام :شوفيني كيفاش غنكلس وديري بحالي

ناضت دارت راسها جايا من الباب ..بتاسمات فوجه ابرار بالكرام و كلست جامعة رجليها و حاطة يدها فوقهم

سهام : هاكدا كنكلسو قدام الشركاء ديالنا .. مانضحكش حتى نفييض.. نهضر بصوت منخفد.. كنقول وي مرحبا ماشي اهاه ..

دارت دكشي لي كالت ليها و عجبها الحال بانت ليها دغيا كتعلم

سهام: طخيييبيان .. الوغ بالنسبة للبيغى بويسكو تاع موسيو الفيلالي مانقدرو نغيرو فيه والو دونك نعامك كفاش نكلي و تخدمي .. اجي معايا

داتها للبيرو كلساتها قادات ليها الطول دالكرسي على حساب طولها .. وراتها منين كيشعل البيسي و كفاش كيطفا و كل حاجة شنو سميتها و كفاش كتكتب .. دوزت معاها سعتين طيارة بجوج بيهم كانو مقتانعين لا ابرار بشنو تعلمت و لا سهام مالقاتش معاها مشكل لان عندها الرغبة و دغيا كتعلم..  ناضو  وقفو  ابرار  كتحس براسها  مهدووودة  و سهام  باقا اكتيڤ

سهام:  غدا غندوز عندك  فنفس التوقيت   باش  نبداو مطبقو هدشي لي  علمتك 

ابرار : انشاء الله 

غير سلمت  عليها  صدراتها بالخف  و  طارت على  طيليفون  هزاتو كتصوني  و  تعاود  لبكر ..   لقاتو  اوغ لين عرفاتو باقي  ماوصل .. 
خرجات من البيرو و هي  تلاقا ب ايناس واقفة  مع السكرطيرة 

ايناس : اوو  خرجتي  ههه كيجاتك الخدمة 

ابرار :  اوف  كتعيي  الصراحة  ..  جاني الجوع قلت نخرج

ايناس:  حتى انا لقيتيني  خارجة  ..   يا الله نتغداو اونصومبل و عاودي ليا كثر عليك .. 

ضربات ليها هضرة تاع بكر فدماغها  و ني تشوف فيها

ابرار : لا لا شكرا بلاما نبرزطك  انا ديجا  غادا  للدار

ايناس:   اوا   لا حشومة  ردو العراضة ..

جراتها من يدها  ماخلاتش ليها الفرصة  فين تزيد تهضر

ايناس:   غنديك تاكلي احححسسسن و الللددد سوشي فطنجة

ماعرفتهاش علاش كدوي ..  غير زادت معاها و بقات ساكتة

#يتبع