مكتوب الخير

‎الجزء 25

دازت على ايامهم   شهر تقريبا ..  ولا  كيدخل  يسلم  عليها  حتى  هي بدات كتولفهم و كتكلس  معاهم فالطبلة.. ولكن مزال ماقرب  ليها و مافراسوش هاذ الفكرة  حبو للمرحومة  باقي  مالء عينيه، ندى  نهار على نهار كتزيد تكره ابرار  خصوصا ملي قل الخصام ،  كابرة  حاقودة  و فنفسها السم ،  اما علي الى مابانتش ليه ابرار كيبدا يبكي ولا مولفها بزاف ،  ايناس باقة  عند الحلف ديالها  و موجدة  ليه احسن مصيدة  و ياربحة  يا دبحة

ايناس:  تنفد لي قلت ليك عليه و تلقا فلوسك فوق الطبلة  و ماتعرفني ماانعرفك

المتصل: فين نلقاهم؟

ايناس :  النص غتلقاه حدا الزبالة القديمة  و النص الثاني  حتى تنفد العملية 

المتصل :  الله يعاون 

قطع من عندها و جبد  ماليطة صغيرة  وجد البرا و الدوا و الليكات و فاصمة ..   اقب لاتكون ناقصة  شي  حاجة  و عاود سدها..  سد جاكيتو و هز دكشي  و دار الكاسك و  نطالق فالموطوور  تاعو .

كالسين  فالجردة  .. ندى كتلعب و ابرار شادة علي فيدها كتلعب معاه ...

ابرار: شكون سماه؟

بكر: اميمة الله يرحمها

ابرار: الله يرحمها .. انشاء الله تلاقاو اجمعين فالجنة.

بكر : انشاء الله..

سمع التيليفون فجيبو كيصوني و هو يهزو يشوف شكون .. طلعات ليه سميتها " ايناس" و هي تشوفها ابرار.. ماعجبهاش الحال تصوني لو انثى ولكن اصلا ماعندهاش مشاعر اتجاهو.. مشا بعد شوية باش يهضر فخاطرو خاف يسب الملة وولدو باقي صغير. .. بقات مراقباه بعينيها و كتحسس باغا تعرف اش بيناتهم ...جات ضور وجها و هي تلقا ندى طايحة فالارض و عينيها مقلوبين ..غير شافتها و هي طلق غوتة تا قفزات البعيد
.. دار عندها يفهم شنو واقع و هو يتصدم

ايناس: بصحتكم..

عرفها هي مولاتها .. قطع الطيلي و مسا عند بنتو لقاها كتفركل بيديها و رجليها .. مكتحسش براسها نهائيا كتنفس.

بكر: شكووون قرببب ليها؟؟

ابرار: ماااشفتش

بكر : ولاااش جايب اصل مك لي ماتشوووفيش ... برررف و توقع شي حاجة لبنتيييي تا نرونها علك انت و قبيلتك

يا الله جات تجوبو لقاتو هز ندى و سبقها للوطو .. حطها اللور و كلست حداها ابرار و دارت علي فكرسيه .. .. ماقدتش لا هي لا بكر يديرو ليها شي حاجة .. حيت الدرية غادة و كتزراق و تكشكش.. من حسن الحظ كان لوبيطال قريب ليهم.. دغيا خطفعا و داها ليييهم..

بكر: بنتييي.. عتقووو ليا بنتيييي... الى وقعت ليها شي حااااجة غتقو.دوها .. واحد وااااحد ..

بقا كيهللل و يغوت فالسبيطار و الفرملية لي تجي حداه يدفعهاا.. ففمو غير بنتي ندى غتموت . انا ابرار بقوة ماخافت بقات كتبكي.. خايفة لاتكوت ندى و خايفة لا يخرج فيها هي و طاصيلتها بصح ..

ابرار: هءهءهء.. انا غنهرب و الله لا بقيت معاااه.. باغي يقتلني هءهء...

بقات كتنخصص شي نص ساعة فيحين بكر كيحس براسو خوا من رجليه .. كلس فوق الكراسة و كيطلب فالله

بكر : ياااربي شوف من حالي ياااربي .. ياااربي عتق ليا بنتي ماقادش على فراقها

استغلات الفرصة ابرار و عطاتو علي يشدو فيديه .. بقات كتمشي و تجي حتى بعدات عليه.. و اول باب بان ليها كيخرج قسداتو  كتجري و مكتشوفش وراها

#يتبع