دخلات للبيت تجيب لو حوايجو . لقات مها كالسة كطوي فالحوايج
ابرار: ( بإبتسامة ) يمانو السلام
الام: (طلعات حاجبها ) على السلامة ، (أشارت ليها براسها ) جمع الدنيا ابنتي جاين فيك الخُطاب
ابرار: (بعدم فهم) كفااش أما ؟؟
الأم : جاين شي ناس يطلبو يدك
ابرار : (لكلام تخربق ففمها ...بدا صدرها كيطلعع ويهبط وقالت بزربة ) انا مازالا عايلة ايما أنا مزالي ستيطوااا منقدشي نتزوج الا
الام: ( ناضت وقفات ) باك لي عطاهم الكلمة و ورا صلاة المغرب راه غيجيو ..متزيديش لهضرة معاه راك عرفاه (شافت فلحوايج ) كملي هادشي فطي
خرجات مها و خلاتها فالبيت كضور فعينيها مصدومة .. كانت من بكري و كتسمع البنات كيتزوجو صغارات و كانت عارفة شي نهار غيجي دورها .... عارفة باها إلا قالت لا شنو غايدر ليها ....بركات فوق سداري جامدة كتفكر كيدير تفك من هاد زواج ݣاع لخصايل بداو كيطيحو لبالها الى هربات غيقولو عليها دايرة شي زبلة و ماشي عزبة الى بقات تعول على حياتها غضيع نهار على نهار .. شافت حتى عيات فوضات امرها للعالي و هزات حويج خوها تلبسو ..
الوقت داز عندها طياارة حتى كتسمع الدقان فالباب .. غي سمعاتو قلبها تهز ورعشة ركباتها مشات كتجرييي لكوزينة عند مها.. تا سمعات صوت باها كيرحب بضياف ....و هي مها مخبين فلكوزينة ممنوع عليهم يبانو لبراني
الاب:مرحباااا مرحبااا تفضلو نهار كبير هدااا
كان الاب لابس جلابة بيضة و موراه شاب تلاتيني معاه جوج عيالات وحدا صغيرة شوية و وحدا كبيرا
الأم غيسمعات صوت نسا لاحت حيكها عليها وخرجات حتى هي
الام: اهلا لالة مرحبا بيكم .. نهار كبير هذا
ام العريس : ترحب بيك الجنة و نعايمها
#يتبع
أنت تقرأ
مكتوب الخير
Romansa~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
