قالت هاذ جوج كلمات و مشات تحل الباب .. مها نزلات هي و خوتها اما باها كان خدام مكينش فالدار .. تقدمات مها امراة اربعينية العمر طويلة و عامرة من الرداف .. بيضة و عينيها كبار و حجبانها كتاف .. زينها سبيسيال دكشي علاش راجلها كيغير عليها بزاف و واخا قدام نسيبها لازمها تستر راسها ..
الام: السلام عليكم ولدي مرحبا تفضل ( اشارت ليه للصالون)
بكر ( تحنا باس ليها على يدها كاحترام ليها ): الله يلمك كيبقيتو..
الام: الحمد الله .. كيدايرة يماك و ختك و الوليدات؟
ابرار غير سمعات الوليدات و هي تخرج عينيها .. بتلعتم خايفة تاكل شي قتلة تاني دوات لمها فودنها
ابرار: اما كيفاش الوليدات؟
نغزاتها باش تسكت خايفة عليها تا هي لاتاكلها..
الام: بلعي فمك يا هاذ البنت .
سمعهم كيتكمتمو و عرف علاش كتسول حيت الخبار فراس باها و مها كان كيسحابلو قالوها ليها الساعة ماقالو ليها والو .
بكر 😞 حط يديه على الطبلة دالماكلة و كيشوف فيها) : عندي بنت فعمرها 6 سنين و ولد عندو 8 اشهر .. كنت مزوج و المرحومة خلاتهم ليا . هادشي لي كاين
بقات كضور فعينيها و هي تفكر البنيتة لي جات عندها .. و شافتها فضريب الصداق بالحق مادات ماجابت .
ابرار ( حادرة راسها وكدوي من تحت نيفها) : واش البنت لي كانت فضريب الصداق ؟ بنتك؟
بكر: وااه بنتي .. سميتها ندى
شافت الطرح بدا يحماض و خافت ابرار تزبالي و هي تنوض شابكة صبعانها و كتشوف ف بكر
الام: شي كويس د اتاي ابني..
بكر : لا شكرا اخالتي .. ماكينش مول الدار كنت باغي نسلم عليه .. الحوايج موجودين؟
الام: الله اودي انا نصوني عليه غيكون غير نسا
بكر: لا لا ماعليش .. غير خليه مرة اخرى انشاء الله نشوفو فساعة الخير .. عطيني غير الحوايج
هوما داوين و ابرار غير كالسة كتشىف فالارض و حاطة يدها على السداري .. ناضت كتمشى بالشوية وقفات فالباب كتسلم على مها بهدوء بحالا عاد فايقة من النعاس كتسلم على ختها و خوها الصغير .. غير حالة عينيها فالارض .. حل ليها الباب دلوطو و حط شوانطها فالكوفر .. ديمارا بيها و الطريق كانت طويييلة من الدوار تال الناضور .. كانت المنطقة خاوية و جاية عاليا كتشىف منها المدينة تقريبا كاملة.. غير سمعو اللوطو وقفات و هي تخرج ندى و ختو هازا فيدها وليد باقي تربية حلو ليهم الباب و ندى مشات كتجري عند باها عنقاتو
بكر: الگلْب ( القلب باللهجة تاعهم) كيف راك؟
ندى: لباااس.. ( كتشوووف فابرار حيت ديجا عمتها قالت ليها بلي اليوم غيجيب مراتو .. كدوي لو فودنو) هادي مراتك؟
بكر : واه ( نزلها و كشا يجب لي ڤاليز .. دخلهم للدار و ختو هي لي كدبب مع ابرار تا وصلاتها
الاخت: غير بالشوية و غتاقلمي مع الجو.. بصح كيكون الحال شوية صعيب .. انا لي كنت مقابلة الدار من مورى وفات المرحومة .. غنوريك كلشي فين كاين باش ماتلفك حتى حاجة .
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
