ابرار : شنو مشهي ؟
بكر : شي براد داتاي مشحر ملييح .. و شي بيضات مقليين بالخليع و ديري داك المخمر ( باس يدها ) كيجي من يدك حلوة .. و قهوة و الطفاية باش نتكيف ي الله الله يرضي علك
ابرار : واخا ازينينو
بكر 😞 دار ابتسامة جانبية ) تخشغ شم
ابرار : هه واايلي ..و من ايمتى
بكر :من النهار تعقلتي
ابرار : واخا اسي بكر هاني نايضة نطيب لك و قووول مكنديرش لك خاطرك
بكر : امشي مشي
ناضت على وعدها وسعدها مشات الدووش دوشات حالتها وغسلات شعرها خرجت كتنشف شعرها ..حلات الماريو و ختارت منو كسوة فالغووز منقطة بالبيض ولبسات صنضلتها بيضة وخرجات ...مشات عند علي فالكونة باستو ونزلات التحت شمرات على دراعها ...قادات ليه شنو بغا الفطور لبلدي لي تشهاا ...حطاتو فوق الطبلة المخمر والبيض بالخليع كاع لي طلب وقهوتو معصرة ...يالاه اطلع عندو تعيط عليه حتى بان ليها نازل ومعاه علي ...تلقات ليه شداتو من بين يديه كايغرغر باستو
بكر:هوا لي يتباس
بتاسمات وقربات ليه باستو فحنكو و بعدات
بكر : جداك انا
قرب ليها و جرها عندوو.. طبع بوسة عنيفة على فمها خلاه كيوزوز قدام دري ...عاد توجه الفطورو ..فطر و شعل كاروه كينتر نترة و يجغم من قهوتو و عينيه عليها كاتوكل علي وضحك معاه
بكر:( بصرامة) نوضي لبسي نمشيو لصالوون يالاه
ناض هو خرج ...مشات لبست كسوتها فالكحل طويلة مع فولارها وسبرديلة ونزلات عندوو ..ركبات معاه فلوطوو و دارت علي اللور توجهو للصالون باش دير سحب اللون و يرجع اللون الاصلي وصا عليها بنت دلاكيص و مكن ليها مئة درهم باش تهلا فيها ...دخلهاا ووخرج ...تكلفو بيها بنات صالوون حيدو ليها لون ورجعات كيف كانت و زادو حلقو ليها على الحالة
الكوافورة: طلعي معايا اهتي لفوق باش ندير لك لاسيغ
ابرار 😞 حشمانة) ا لالا .. شكرا
الكوافورة( شدات ليها فيدها ) : السيد وصا عليك باش نتهلاو فيك .. ايوا خلينا نفرحووه
ماعرفت ماتقول .. طلعت معاها و خلاتها دير مابغات .. حلت ليها رجليها و بدات كدير ليها فلاسيغ للمايو و تهضر
الكوافورة: شحال فعمرك
ابرار : قريبة ندير تمنطاش
الكوافورة: اممم( طلعات حاجب و نزلات حاجة ) قولي ليا باقا صغيرة .. هي شي حبيب القلب لي تقب البوشونك
ابرار ( بعدم الفهم): كيفاش؟
الكوافورة: زعما نعستي مع حبيبك
ابرار : هه لا راجلي
الكوافورة: على قدك مزوجة؟
ابرار : وايه اختي اخليها على الله
الكوافورة : عنداك يكون شي بعلووك و الله ماتصوري منو لا حق لا باطل ..
ابرار : لالا ما برهوش ما والو انا لي برهوشة قدامو
الكوافورة: اوا الله يحفضكم لبعضياتكم
كملات خدمتها و بقات كالسة كتسنا فبكر حتى جا ..حلات الباب ودخلات لقاتو كايكمي كاروه
بكر : ( كايشوف فيها وقرب ليها باسها حتى بتاسمات و حيد ليها زيفها ) : جيتي مقو.دك هاكا مهم خليك هنا انمشي نشوف واحد صاحبي قريب لهناا بقاي وماتحركيش دروك نجي ...
خرج خلاهاا كاتبرق عويناتها فناس غادين جاين ...حتى سمعات صوت تليفون لي ماغريبش عليها ..قلبات بعنيها فبلاصتوو حتى بان ليها وهزاتو بين يديها تشوف شكون ...غير شافت طلعاتها الحمورية وحسات بودنيها كايصوطو كانت الكاتبة ديالوو ...
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
