صبح الصباح راسو فيه الحرييق و الشقيقة.. مقطووع و ماعارف راسو فين راه و فين كان .. حل عينيه بانت ليه الطبلة دالفطور عامرة و ابرار كالسة كتفطر و ناقصة من التلفزة كتشوف غير التصاور ..
مسح على وجهو و ناض كلس .. بقا شحاال كيشوف فيها و نطق بصوت غليض غالب عليه النعاس و العيا
بكر : شكون جابني ؟
ابرار ( عينها فالتلفزة) : صاحبك.. عدنان .
عقد حجبانو كي بدا يسترجع البارح شنو طرا.. دخل لدارو.. و دوا لو فودنو على مرتوو؟؟ نا قرب ليها بالشوية جر كرسي و كلس اونفاص ليها .. كيطلع و يهبط فاش لابسة
بكر : هبطتي ؟
ابرار: واه.. عفاك دوز شوية هاكا درقتي عليا التلفازة
بكر : شنوووواااا...
يا الله جا يغوت و هو يحس بعرق كيزدح ليه فراسو .. غنض عنيه و تنهد
ابرار : كنت مغطية شعري و لابسة بينوار .. غير حيد راك درقتيني
واخا هاكاك هضرتها مابرداتوش.. و ملي هي هبطت مغطية لاش قاليه دابا تبغيها و ماتلقاهاش ؟
دفع الكرسي و ناض للطواليط غسل وجهو و يديه .. طل فالمراية كيبان ليه وجهو كشف و دبال ..
بكر : استغفر الله ( مسح بالفوطة و ردها لبلاصتها)
هبط عندها لقاها على نفس الوضعية ماكتحرك تا ساكن غير كتفرج و تاكل بالشوية..دخلو العجب و ماموالفاش ليه ..
كلا فصمت حيت دماغو خدام كيحلل و يناقش.. كمل مسح فمو و طلع لبيتو بدل حويجو و جبد كاروه ..
بكر : فشكااال هدشي ..
بدل حويجو و نزل لقاها كتخمل فالدنيا .. كيحس بشي حاجة ماهياش .. خلاتو تا خرج و هي دير ضحكة جانبية
ابرار: مقروص غا بوحدو هادشي غا باقا مافكرت شنو ندير
ركب فطومىبيلتو و كيفكااار كيفاش يصلح الجرة معاها حتى تفكر بلي اليوم عيد ميلادها
بكر: بلااان و الله الى مخيرة .
تفكر بلي كانت طالباه على تيليفون اول حاجة مشا دارها هي خدا ليها ايفون دوز بروماكس و خدا ليها كسوة و صباط و ريحة على دوقو ..
خلا دكشي فالمالة و مشا قدا صوالحو برا الشركة بيدما وجدات الحلوة لي دوموندا عليها ..صايك و كيفكو فالخوا حتى سمع طيليفونو كيرن.. دوز الخط و دار مكبر الصوت
بكر : الوو
عدنان: و فيين؟؟ كي بقيتي
بكر : حمد الله.. شكرا العشير على البارح
عدنان: الله اودي مابيناتناش.. بغيت تدوز نطل علك عاد ساليت
بكر : واه دوز نريحو شي سويعة
عدنان: مانديروش ليها شي كليسة عندي فالبار؟
بكر : الا والو .. غي دوز عندي مافيا لي يخرج راني مسخس
عدنان: و عليه .. حيد
#يتبع
أنت تقرأ
مكتوب الخير
Romansa~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
