دورات ابرار عينيها و حدرت راسها كتحاول تجاهلها.. قبطات ليها فيدها و بدات كدوز عليها
ايناس : عاودي لبا ابرار .. مايسحابش لك بنادم كيرضع صبعو .. بنت صغيرة باقا فاوج العطاء ديالها مزوجة بواحد هاكاك ..
ابرار : علاش كتسوليني لاش باغا توصلي ؟
ايناس: لوالو .. بغيت دوي تقولي شنو عندك ..
جرات يدها عندها وسكتات شحال عاد دوات
ابرار : تزوج بيا بزز.. عدبني و كان كيضربني و كيسد عليا النهار كامل فالدار .. و الى مابغيتش ندير ليه شي حاجة كيقتلني بالعصى .. طيحت بنادم فجرتو ( غرغرو عينيها) حقا الى طلع الجنين بنت نسميه بسمية دالمرحومة .. هادشي مكنبغي نقولو لتاحد ولكن الحمد الله كيبان ليا دابا رجع للصواب
اليس : غير تبعيني و غيعجبك الحال .. كاع لي دارو فك غنردوه ليه
ابرار ( كتحاول تبت راسها و تفهم ) : شنو دار لك ؟
اليس: كنت فتركيا .. شدني و تكرفص عليا ماخلا كلاب ما خلا تا حاجة .. مرضت مرضة صعييييبة
ابرار : اويلي .. بكر ؟؟؟
اليس: اااه كيبان لك شاد طريق الله و لكن انا لي كنعرفو فاش عاد تحلات الشركة عدبنييي
ابرار : و بدون سبب؟
اليس( كتباع فريقها ): واش هاداك كيقد يدير ليه شي واحد شي حاجة.. شوفي غير انت علاما عاىدتي ليا اش دار فك .. انسان خاصو الحبس او القتتيلة ..
ابرا ( كتخمم ): مانقدر نقولك دابا والو .. تا نفكر
اليس ( شدات ليها فيدها موركة ): شوفي عفاك خلي هادشي بيييناتنا .. حنا جوج وليتاات تحكرنا و دارنا احت صباطو و خاصنا نردو دقتنا ..( كتشىف فيها) و الله حتى حرااام وحدة بهاذ الزين تاعك ضيع و يدير فيها هاذ الحالة
# يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
