خلاها واقفة مبلوكية و طلع لبس عليه لباس رسمي و مشا هز شكارة د ندى .. تبعاتو كلسات لور .. حطها حدا باب المدرسة تسناها حتى قطعات الشانطي كيف العادة و مشا .. ماوقف حتال حدا بناية كبيرة و من شكلها باينة شركة .. لابس سروال اسود تاع التوب و من الفوق قميجة فالبيض مقفض ليها الكمام و حال الصدف الفوقاني .. داخل لاقط غوباشتو و كاره راسو .. و الوضع لي راه فيه .. كلشي كيلقي عليه التحية و مكيجوب حتى واحد ..
الشركة كاينة فطنجة و هو من الموت دمراتو ماجا ليها و لا طل و لا سول .. تابعاه الكاتبة تاعو من اللور لابسة لباس رسمي و انسق فنفس الوقت .
الكاتبة : موسيو بكر على سلامتك .. شركاءك كانو كيسولو عليك .. و كان عندك غونديفو السيمانة لي فاتت اجلتو ليك ..لل..
قاطعها بيدو و امرها تكيب لو قهوة للمكتب .. دخل للبيرو تاعو كان كبير و اتاتو كامل بالابيض.. بقا غادي جاي تيحك على راسو و كيفكر كيفاش غيدير يتعامل مع تلموصيبة دالخدمة و الموصيبة لي عندو فالدار .. دخلات عندو الكاتبة و فيدها قهوة كحلة .. حطاتها فوق البيرو و بقات واقفة كتسنا فيه يعطيها الاذن تهضر
بكر : شنو كاين اليوم؟
الكاتبة: اجتماع مع الشركاء تاوعك .. الموعد بقات لو نصف ساعة .
بكر ( زاد كيحك على راسو و كيتفض فيه ) : القاعة دالاجتماعات واجدة؟
الكاتبة ( بابتسامة خفيفة ) وي موسيو بكر
بكر ( عطاها الاذن تخرج ) تقدري تخرجي و ملي يجيو استقبليهم فالقاعة علاما نجي ..
خلاها خرجات و حل البيسي كيراجع اخر الاحداث و لي سطاتيستيك
دغيا طارت ديك النصف ساعة و طار معاها حتى الاجتماع كانت فيه قل من نصف ساعة كانو فقط سيناو على شي وراق و تفاهمو على الفرع الجديد فين غيتحل . كلشي هرج بقا بوحدو فالقاعة .. كلس مسرح رجليه و حل الصدف دالقميجة اللولين .. بداو كيبانو شويا من زغيبات سدرو ..
بكر ( مسح على وجهو ) اففف استغفر الله العضيم .
بدا كيسمع صوت الطالون جاي من البعيد بالحق الصوت غير مرتب و غير متوازن . .. قربات منو اللور و بدات كتماصي ليه فعنقو .. نطقات بصوت رقيق و كلو أنوثة
...: شي مصاج خفيف ؟
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
