الوقت لي كلشي كيتسناه وصل .. ڤيليشيا و صاحاباتها لبسو و تقادو و البنت ليحكمو عليها كالسة مركنة و كتقطع ... بكر هو و صاحبو و مجموعة من الدرازي مسلحين قبالة الباب دلوطيل ..
بكر : عدنان .. فين تعطلو هادو ؟
عدنان شاب طويل و عامر قدو قد بكر .. صحاب من الصغر لكن ورا بكر ما خرج من القراية كلا و شنو سهل عليه ربي.. عدنان غي تابع ديما بكر فهيتو و صديق وفي ليه ..
عدنان : مااعرت اخويا و الله .. ( شاد على راسو ) دابا غاشكون هاذ خيتي لي داير عليها هاذ الحالة
بكر (تنهد): سميتها ڤيليشيا .. اكرانية الهوية
عدنان : و فين تعرفتي عليها و انت بنات الليل حدك الفراش معاهم؟
بكر : تا وحدة فهاذو لي غتشوف ما بنت الليل .. كلشي بزز منو هنا ..هادو راه عصابة غنبقا نشرحها لك ديما ؟؟
قبل ما يكمل هضرتو تحل الباب و بداو البنات و بداو كيخرجو منو .. البار اونفاص مع لوطيل يعني دقيقة هاهوما وصلو ..
غير حطات رجليها فالباب ضرب فيها ريح قوي هزات راسها كتقلب بعينيها و الكارد واقفين ليهم عند الراس باش مايهربوش ليهم .. كل خطوة عندها بعام.. غير وصلو للنص دالشانطي و هوما يسمعو طلقة قوية دالرصاص .. كاع الكارد خرجو سلاحهم و لوخرين كيردو فالبنات .. لكن كانو عارفين ان هادي هي الفرصة تاعهم .. كاع البنات هربو الا جوج شدوهم و كانت بينهم ڤيليشيا..
ڤيليشيا: طلاااق ... ( عضاتو من كتفو حتى طلق بقوة الحر .. )
رجال بكر محاصرين المكان و ماطاكين الرجال دالعصابة..
...: هبط سلاحك ولا غنتيري فيها
بقا ساكت ماقدر يدير حتى حاجة لان ڤيليشيا هربات من الراجل غادة عند بكر و قفت الوسط ..
ڤيليشيا: بكر سيير ..
زاد جوج خطوات للامام بالزربة و دارها وراه .. تقدمو رجال بكر و عدنان قدام بكر ..
بكر ( دوا ل ڤيلي فودنها ): حري ركبي فالرونج الكحلة ..
يا الله غادة تجري و هو يتطلق صوت الرصاص .. طلق البوص نيشان قرطاصة لڤيليشيا جاتها فكتفها .
#يتبع
أنت تقرأ
مكتوب الخير
Romansa~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
