بكر كيتصخر يجيب الماء و الضماضات و عدنان مضارب معاها باش يخرج ليها القرطاصة من يدها .. حرارتها طلعات لانها فقدات بزاف تاع الدم ..
وجهو ولا كامل عرقان و حمر .. حيد ااقميجة و لاحها فوق الكنابي فازكة بالعرق
بكر : يا الله نديوها للطبيب راه غتم وت
عدنان ( شاف فيه مخنزر لوكان يزيد كلمة يصفعو ) : واش انت حمار ولا بهيمة؟؟ زعما هوما مكلخين عارفينها مضروبة و مغيكشيوش يقلبو فالصبيطارات دالمدينة كاملة
بكر ( بدا كيحك على راسو كيمشي و يجي بقلق ) و شنووو غنديييروو؟؟؟
عدنان:( ضرب الفوطة مع الارض و ماض شاف فيه مكشكش): و ضبيببر لك ركككك انا ماااااالي فهاذ القلاو ي كاااااامل ماهي مرتك ما هي صحبتك از بي واش مرييييييييض و باغي تمرضنييي؟؟؟ كل نهار تفيق تجيب ليا مونتيييف راااك بولااااادك راااااعي لراسك ولييينا هادشي راه بزااااااف واخا تكون فقتي من غيبوبة ماديرش هاذ الحالة ..( كيشير ليه بيديه على جسدو ) شوووووو على حااالة وليتي فيييها ...شووووف كيفاش دبلتي و كشفتييي... ( ضرب ليه على كتافو ) بقااا .. بقااااااا اعشيري كطبز و تخور تا تجيييبها فعضااامك و سييير شوووف ديك الساع هاذ التصميكة لي مصمكها علينا باش فتنفعك
هز الفوطة من الارض و رجع عند ڤيليشيا كيحاول معاها .. اما بكر خرج وزدح البلب بلاما يقول حتى كلمة .. لانه عااارف كل كلمة قالها عدنان عندو فيها الحق .. كيشوف راسو تررررون علااااش هادشي كاااامل واش لي تلاقا بشي بنت خاصو يعاانها ؟؟ واش كيحاول يدير الخير باش يكفر على دنوبو ؟؟ واش كيحاول يعاون راسو براسو و ماباغي تاحد يعاونو ؟؟؟ .
كاع هاذ الاسئلة كطرق فراسو .. جبد كارو من سروالو و شعلو .. دار رجل على الحيط و رجل واقف عليها ..رض ضهرو على الحيط و هز راسو للسماء كيبخ
بكر : الله يدير تاويل من عندو
بقا شحال تما كارو ورا كارو حتى كطيح قدامو تجاكيطة دالتوب .. هز راسو فالسرجم مالقا تاواحد و الضوء شاعل .. شوية و هو يطفا الضوء .. دار ابتسامة جانبية و ضحك ضحكة خفيفة على راسو
بكر : على الاقل كاينة شي حاجة زوينة فحياتي
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
