ابرار: على سلامتك
كيشوف فالنور خارج من وجها و البراءة.. حنيكات رطبين و عاد فتيين
ابرار: هه مالك كتشوف فيا
حيد ليها الزيف على راسها و بقا كيشوف فخصلات شعرها
بكر : والو .. منشوفش فمرتي؟؟
ابرار: ههه لاا شووف
بكر: هااكيي.. ( مد ليها البواطة) دقتيه ديك المرة فالبيرو وعجبك
ابرار: اوو .. شكرا بزااف ( بقات كتشوف فالباكية )
هبط عند علي هزو بدا كيلعب معاه و هو غير كيغرغر
بكر: مكيبكيش لك؟
ابرار( شافت فيهم) لاا بسلامتو مهييدن .. كيضلل يلعب و ملي كيجيه الجوع كنوكلو و ينعس
بكر : تبارك الله .. ماشي بحال ندى كانت كتفيق المرحومة بزااف فالليل
ابرار: الله يرحمها.. كل واحد و كيداير انا عاود كتقوليا ماما ( كي نطقاتها حست بغصة فقلبها.. صاطت و كملت هضرتها) كنت كنتحرك بزااف و مكنهداش
عرفها تقلقات و بغا يقلب المود للضحك
بكر : اهاه و شنو درني للغداا.. راني غنموت
ابرار: الحوت كواري
بكر: يا الله حطي
مشاو للكوزينة ياكلو حطات لي قسم الله و كلست اونفاص ليه و فوق حجرها علي ..حسات بيه بدا كيتبدل معاها بدا كيشد بخاطرها و يضحك معاها و مابقاش كل ساعة كيجبد المرحومة و لكن عمرها قدرات تنسا كيفاش طيحات البيبي بسبابو و كيفاش واليديها تخلاو عليها بسبابو و كيفاش كان كيضربها و يسد عليها و يخرج هو كيفاش عيشها مواقف كبر منها فوقت صغير .. مسحات دمعة سخونك هبطت على خدها بالخف بلاما يشوفها ..
ابرار : راني كملت كلشي ..
بكر ( كيمسح فمو ): انشاء الله الاثنين نديك معايا ..
ابرار : علي كنحس بيه غيتعدب
بكر : على الاقل قريب لينا ماشي بعيد ..
ابرار: اه عندك الحق..
بكر:( نفض وقف) الله يعطيك الصحة.. صوبي ليا قهوة و جيبيها ليا الفوق
قال هاذ جوج كلمات و ناض غسل يدو و خرج خلاها كتنهد..توحشات ختها بزااف و بغات تهضر معاها.. صوبات ليه قهوتو خلاتها كطبخ و حطات علي فبلاصتو.. دارتها بلاطو مع السكار و الماء و طلعاتها ليه .. حطاتها فوق الطبلة فيحين هو كان كيبدل حوايجو .. لبس سروال دالتوب مع طريكو كمام برز عضلاتو و كريشتو لي بدات كتخرج مع قلة السبور
٪#ستبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
