عند بكر
جالس فوق كرسي لي فالمكتب عينيه تحتهم اسود بسهير فهاد ليومين لي كان كيفكر فيهم وعقلو ما هداش من تفكير فيها وكفاش غدراتو مع صاحبو قاطع تفكيرو صوت تيليفون هزو شاف نمرة دوز لخط حاطو على ودنو
بكر 😞 بصوت خشن) امضرا
شخص : لقيت عنوانهم
بكر ( ابتسامتو بدات توسع ) صيفطو ليا.. وامانتك غادي توصلك ( قطع عليه نطق بشرود وابتسامة خبيثة على تغرو بعيون حاقدة ) اخيرا لقيتكم
وصلو ميساج شافو وشاف لعنوان.. بسرعة هز كونطاكت وخرج بخطوات سريعة متاجه لعنوان لي شاف
*عند ابرار
فكافي كطل على لبحر جالسين ابرار وعدنان امام بعضياتهم من بعد ما فطرو طلبت عصير وهو قهوة.. كيرشف من قهوتو ويشوف فيها هي لي ساهية فأمواج لبحر
عدنان : فكرتي ؟
ابرار ( التافتت ليه بابتسامة نطقت ) انا موافقة
عدنان ( بابتسامة) كنواعدك ماغاداش تندمي
اومات براسها استأدنت منو وناضت لحمام فنفس لوقت صونا تيليفون عدنان برقم غريب عقد حواجبو باستغراب ودوز لخط
عدنان : وي
بكر : اهلا صاحبي وخويا
عدنان : ( بصدمة ) بكر ؟
بكر ( كيضحك باستهزاء) بكر اسي عدنان.. خاص نشوفك
عدنان : ( سرط ريقو نطق بتساءل ) شنو بغيتيني؟
بكر : باغيك فبزاااااف.. لعنوان فين غاتلقاني غادي يوصلك تهلا
قطع عليه بكر.. بقا عدنان بشرود كيشوف قدامو حتى فيقاتو ابرار
ابرار : عدنان ؟ مالك؟
عدنان ( نفا براسو بابتسامة صفرا ) لا والو انوصلك لاوطيل عندي شي غرض خاص نقديه
اومات براسها.. خلص عدنان وتبعاتو راكبة فطموبيل متاجهين لاوطيل نزلها وكسيرا لعند بكر
فكافي جالسين قدام بعضياتهم ونضرات حقد كيتبادلو وكأنهم عمرهم كانو صحاب وخوت.. بكر عيونو كتبين قداش هاز فقلبو من جيهتو ولو كان فيدو قرطاس كان غادي يخويه فيه .. هز فيدو كاس لقهوة كيرشف منها وابتسامة استهزاء على تغرو
بكر : عاش من شافك اخويا وصاحبي
عدنان 😞 رفع حاجبو باستغراب ) فاش بغيتيني؟
بكر ( بحزن مصطنع) حشومة تقول هاد لهضرة لصاحبك.. لي شحال ماشافك وتوحشك ( حط لقهوة فوق طابلة وملامحو تحولت لجدية ) شفت كولشي ( بغا يهضر وقاطعو بكر بحدة) تبريرات لي غادي تقول خليهم عندك... انا ماباغي والو منك ولا منها .. من غير لاسهم ديالي يرجعو ليا ..
عدنان ( ابتسامة خفيفة خبيثة ) قبل ما نهضرو خاصك تبارك لخوك.. حيت غادين نتزوجو انا وابرار
بكر ( بقا تواني كيشوف فيه للحضة بدات ابتسامتو تحول لضحكة مرتفعة مستهزءة ) شنو تسناني نجيب ليك كادو؟ ( حك بالقاع ديال ابهم ديالو بين حجبانو) ضبرو لكركم اصلا انا ماشي شغلي فيكم عمرني بغيتها ولا حسيت بشي جديد حاجة من جيهتها واخا عاشت معايا مدة طويلة ( رجع ضهرو لور كيشوف صدمة فملامح عدنان ) بغات ديك الطريق الله يعاونها ويعاونك.. مهم فلوسي يكونو عندي
عدنان ( بلل ريقو ) شنو يضمن ليا بلي ماشي كتفلا نرجع لك اسهم ديالك وتاخد ابرار
بكر ( نفا براسو كيضحك ) نهار تجيب وراق الاسهم غادي تاخد وراق طلاقها ( غمزو ) من هنا 3 جوغ .. تحط وراق الاسهم تحط فوق يدك وراق طلاقها
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
