دخلو للريسطو بحكم كتجي ليه ديما لي كارد كيعرفوها .. هداو من عندها المونطو تاعها و زادو بيهم تال الطبلة .. كان مطعم كبير و غالب عليه اللون الازرق .. خاص فالاكل الكوري و الصيني .. عطاتهم ايناس لاكوموند و دارت كتشوف فيها
ايناس: ايوا عاودي ليا عليك شوية مكنعرفكش بزاف.. غنوليو نشوفو بعضياتنا كل نهار
ابرار : هه انشاء الله .. اشنو بغيتي تعرفي
ايناس: مثلا منين اصلك و فين كنتي ساكنة كيفاش كانت حياتك قبل ماتزوجي ببكر و كيفاش ولات
ابرار : انا اصلي ريفية بحال بكر .. حياتي كانت عادية و بصيطة .. مكنتش كنعرفو من قبل حتى جا خطبني من دارنا حمد الله اكثر حاجة كنحمد عليها الله عمرني درت شي حاجة ملي كنت صغيرة و داني بهمي و شاني الحمد الله ..
دخلات معاها كي السم هاذ الهضرة الثالية لي قالت .. تفكرات ملي كانت كتمشي ترمي راسها عليه و تقوليه دير فيا لي بغيتي
ابرار : صف تزوجنا فالحلال و الحمد الله قربنا نكملو عام و نص مع بعضياتنا
ايناس: واو علاقتكم كتبان زوينة و مكتقوليش بلي يمكن حيت ماكنتوش كتعرفو بعضياتكم من قبل غيطراو مشاكل ؟
ابرار : لا لا.. كاع واليدينا تزوجو من قبل زواج تقليدي حنا ماعندناش فاصلنا دكشي تاع الدوران و الحب هههه
ايناس: ههه اوا هانتي وليتي كتبغيه دابا
ابرار : الحمد الله .. و حتى هو .. و انت ؟؟
ايناس: انااا هه اودييي ... غي خلي داك الجمل راكد بلاما تفكريني
ابرار : عاودي ليا شنو عندك؟؟
ايناس : انا كنت مريضة مرضة خايبة
ابرار : اوو .. و شنو سبابك؟؟
شافت فيها بعينين حاددين عامرين حقد و سم ..
ايناس: راجلك .. بكر
جمعات حجبانها و تقادات فكلستها كتحاول تفهم
ابرار: شنو دار لك؟؟
ايناس: داك الانسان مريض .. مكتعاملش مع النساء مزيان عمرك لاحضتيها معاه ؟؟
ابرار : ههه.. مافهمتش ؟؟
ايناس: زعما واش بصح كيتعامل معاك مزيان ؟؟
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
