ملي حطهم فالدار و هو خارج ماعطاهم حتى وقت .. بقات كضور فالدار و تشوف فيها بحالا اول مرة دخل لشي دار .. مرة مرة كضور بيها ندى و تجبدها بالهضرة و حتى هي كتجوبها واخا فوق الخاطر اما التربية وكلاتو و نعساتو من بعد ماكان كيغوت .. مشات قربات ليه بالشوية تشوفو واش فاق .. صغيور وجهو بريئ كيضحك و غرغر .. شافها و وهو يزيد يضحك و يلعب باللعبة تاعو لي لاصقة بفالكونة .. بقات بدورها كضحك معاه و ضحك فيه و دير ليه الحركات
ابرار: اغغغ.. اغغغغغ .. الغزااال.. العزريي... فقتيييي ..ههههه و ياختي ماشاء الله اجي عندي اجي . هزاتو( كضحك و تفرنس معاه بحالا ولدها هي ماشي ربيبها ) هزاتو عندها بدات كلتعب معاه و هو غيحماق بالضحك
داخل بالشوية هادي هي قاعيدتو ماكيديرش الحس واخا بوحدو .. كل ما هو عصبي كلما كيدير شي تصرفات فالهدوء.. حط السوارت و جاي كيقلب على ابرار مابانتش ليه.. عقد حجبانو خافها تكون خرجات.. من حدو كيدخل وهو كيسمع صوت الضحك.. و هو يقشعها هازاه كتلعب معاه .. بقا واقف بعيد عليهم و كيسمع فيها شنو كتقول
ابرار: ماشاء الله شحال فنيون( كتبوس ليه فيديه) كاعما كتشبه لباباك.. شوف شحال مبشور و غير كضحك تبارك الله اما هو النهار دويت وكلني احسن قتلة عمرني باقا ندوي معاه ... يا الله اجي نحطك بلاصتك باش نصوبو حليبة للغزاال ..
حطاتو فالكونة ديالو و بالهزة لي غتهز راسها غيبان ليها وراها .. تخلعات و غمضات عينيها..بقا كيشوف فيها و وجهو خالي من الملامح
بكر(بصوت باح و خشن): السلام عليكم .. (مكيسمع عير الهدوء ) راه قلنا لك السلام مكتردوهاش فدواركم ؟
بقات كارزة على يديها حتى غرسات ضفرانها فيديها ..
ابرار( بتلعثم ) : ع ..عليكم السلام .. سمح ليا ماشتكش
قالتها و خوات ليه الطريق غتفلت ليها البولة .. بقا كيشوف فيها و مشا كلس هز ولدو يلعب معاه و يتم جاية عندو نادى فايقة من النعاس كانت كدير لاسييست و هازة فيديها نونوس بيض..
ندى : باباااا
حل ليها يديه و مشات تلاحت عندو ملكسها فوق رجلو و ولدو هازو بيد وحدة .. رجعات لور كتشوف فيهم و وتحصر كتمنات لو باها يكون يتعامل معاها بهاذ الحنية و الرقة .. بلعات البكية كيف ديما .. من صغرها مولفة تقمع بكيتها و تحزن على ابسط الاشياء .. مشات دخلات لبيتها .. لقاتو مقاد ديجا جمعاتو خت بكر و اصلا مكينعسش فيه بزاف .. بقات كدور فبلاصتها مافهمت والو السيد مكيدوي معاها فين غينعس هو و فين غتنعس هي و راها مرتو دابا كيفاش شنو غدير
ابرار: يااربي تصبرني .. مغندير والو مهم انا نقية واحدة فاي وقت .. نمشي نصوب العشاء
غير دخلات للكوزينة لقات فيها غا التخربيق .. ماكلة تاع البيبي و ماكلة لي كتعجب ندى ايندومي و بطاطة و شلاضة و المومنادا مولفينها داك التخربيق من الصغر .
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
