بقات كتشوف فيهم بسم وغل .. كيبانو كوبل مثااالي .. لي دازو من حداه كيخليوهو يدوي فيهم .. حل ليها البيرو و دخلها و سد وراه الباب
بكر : زيري ليا راسك .. مانبغيش الماء يلعب علك فغيبتي.. نعرف ريفيات نزقات
ابرار: ولا عليك .. انشاء الله نكون فالمستوى
بكر : انشاء الله ..
قرب ليها و جرها عندو طبعة بوسة عميقة فجبهتها ..
بكر : غنتوحشك
ابرار: تا انا غنتوحشك ..( كتقاد ليه فالطربكو لي لابس ) رد البال لراسك .. و نقص من داك العجب
بكر :هاي هاي على البرهوشة كتنصحني و توصي فيا
ابرار: اييه راني كبرت زعماا هههه
خدا يدها و باسها
بكر : الله يخليك بعقلك ..
شاف فمكانتو و رجع شاف فيها ..
بكر : الزينة.. خصني نمشي يا الله نوصل فالوقت .. تهلاي فروحك و بيناتنا التيليفون
سلمات عليه و خرج خلاها بوحدها فداك البيرو الكبيير .. كلسات فوق الكنابي كتلعب فالتليفون حتى دقت عليها لاسوكخيطيغ ..
ابرار: دخل
دخلات عندها و معاها امراة خمسينية العمر ..
السكرطيرة: مونجوغ مادام الفيلالي.. انا لاسوكخيطيغ تاع موسيو الفليلالي
ابرار: اه عقلت عليك ..
السكرطيرة: نقدم لك مادام سهام .. غادي ترافقك حتى تعلمي كلشي من معلوميات و بروطوكول .. كوتش اي اون ميمطون خبيرة فالمعلوميات ..
وقفات ابرار و مدت ليها يدها
ابرار: مرحبا مادام
عطاتها الريوس تاع صبعانة و دارت ضحكة محدودة
سهام: اونشونطي مادام الفيلالي
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
