مكتوب الخير

الجزء 34

حدر راسو و زاد بلاما يجوبو ..  ايامهم فالناظور  كانت احلى ايام هه ..  اشمنك يا قصاير و عشبة و زطلة..  ماخلاو فاش  خدمو و باعو..  كانو عشران الروح بالروح.. واخا عزيز كبر من بكر ولكن بكر كان دكي و مطور قدر دغيا يشري  معرفة  مع  عزيز ..

عزيز(  دوا من اللور ): اواخا تهرب  حياتك كاااملة  باصيك  راه  نواار .

كمل على طريقو بكر ..  الان عارف الى مشا جبد معاه الهضرة  هو لي  غيخسر ..  طلع فطوموبيلتو و دار السمطة و ديمارا ..  حدو زاد واحد  الشوية من  حدا الڤيلا عاود  وقفها و دار يدو على الڤولون و تكا عليها ...  رجعات بيه  داكرتو للوراء..

ولد 20سنة ..  مراهق طايش.. قرا حتال سيزيام  و حبس  القراية..  باه كان كيموت و خوتو ماعندهم  لي  يوكلهم ..  و عايشين فالقهرة ..بالضبط  فدوار تافرنوت..  نفس الدوار لي  تزادت  و كبران فيه ابرار ..  لكن الضروف القاسية حتمات عليه يخرج  منو و  يمشي يقلب على راسو .. طلع لكتامة عند واحد الراجل  من  العائلة باش يعانو يخدم 

بكر :  الخويل ..

خالو :  اهلا ببني ..  كيعاامل ..  كيدايرا يماك و  باباك ..  و خيتك

بكر (  حدر راسو و محيد الكاسكيط كيحك على  راسو ) الوليد كيموت ..  و العزيزة راها تقاسي .. جيت نحوص على شي خدمة

خالو (شد ليه على كتافو ) : اييه .. فراسييي..  الله يشافيه و يعافيه لعواولو..  يماك شحااال مادويت معاها.. (تنهد) مرحبا مرحبا العزبز  مرحبا..  الدُنيا هنا محاااركة ..  ماشنعطيك واحد القطيعة هايدة تولف الخدمة مع الدراري.. تجمع معاهم  العشبة  ..

دوز تما ايام كحلة  ..  كل مرة  يطلع  عندهم  الجوندارم  ياخد الباي  تاعو باش  يحميهم  ..  و كاين  لي يبقا عاس ليل و كاين لي  يعط النهار  و كاين  لي يضل  يجني ..المهم كل واحد  خدام على طرف دالخبز ..  لكن الطمع طاعون .. بكر كرشو كانت  كبيرة  .. بغا ياكل بزاف ومابغا يوكل معاه تا واحد ..  كان كيبقا  حاااضي الدراري   لي  كيجيو  يتقداو السلعة  واجدة  وعليها الطابع  .... بغا يعرف  شكون كيمول هاذ الدراري  كاملين  ..  و شكون  موفر ليهم  الماكلة و المعيشة 

بكر ( منو للشمس كطنطن فيه واقف الفوووق فالجبل  كيطل على  كتامة  كاملة  ):  ماعليييييكش البحر تاترصى و نضرب غطسة

#يتبع