مكتوب الخير

‎الجزء 13

فاقت فالصباح بكرييي كيف عادتها غير هاذ المرة كتحس براسها ملقاداش تنوض.. شافت فالمكانة حدا راسها لقاتها 10  و هي تخرج عينيها باقا مادارت لا فطور لا والو .. ضغطات على نفسها و ناضت توضات و صلات  صلاتها كيف العادة و نزلات لتحت كتلقا السقيل .. طلات من السرجم كتبان لبعا اللوطو باقا  عرفاتو تا هو راه كاين .. بقات كتقلب فالدار تالقاتو ناعس فبيت الضياف و مكرشخ ..ردات عليه الباب و رجعات للكوزينة  طيب  و  عطات للبيبي  فطورو هو الاول  كتطيب و كتشىف فيه و تلعب معاه..

ابرار: سبحان الله باك بجرح و انت داوي

بدا كيضحاااك بحالا كيفهمها ...

ابرار: كيغغغغ...  اش  هاذ الضحيكة على الصباااااح ... 

بدات كتحط على الطبلة  ..  ها  المخمر ها السفنج  ها كيكة  ..  كاع داكشي  لي  مفكراه دارتو غير باش  مايهصرش  معاها  و لا يكريكيتي فشي  حاجة  .. 

ابرار:  اممم  نعيطو لبابا ؟؟  ااا ؟؟  نعيطوووو (  كدوي  مع البيبي ) 

مشات عندو للبيت  دقات الدقة  الاولى  ( الصمت)  زادت الدقة الثانية  هاد  سمعات الاذن بالدخول .  .. لقاتو لاوي  عليه  ايزار و داير  يدو ورا ضهرو ..  شاد  كارو فيدو و الطفاية  حدا راسو ..  كيشوف فيها بعينين نايمين مافيهم  معنى

ابرار: (  حادرة  راسها  كاقادراش  طول فيه الشوفة  ماكرهاتش  تمشي  تقجو )  :  راني  وجدت الفطور ..  عطيت للبيبي  فطورو و وجدت ليك فطورك  ..

بقا كيشوف فيها  بدون رد  ...  عفطات على كرامتها و زادتها فيه

ابرار: واش تبغي  نجيب  ليك  هنا ؟

بكر (  شاف فيها و دور وجهو كيطفي فالكارو .) :  خرجي و سدي الباب .

هزات عينها دغيا  شافت فيه  و ولات حدراتهم  ..  مخرجاهم فالارض  .. 

ابرار:  (  بتلعتم)ااا..  و.. واخا 

زدحات عليه  الباب  و  هو  ينوض   كالس .

بكر :  اديك  البرهوشة  .. باغا  شي  قتلة  باش  توگدي ولالا؟؟؟

طارت  من بلاصتها  تا وصلات للكوزينة  كتنهج .. لقات  ندى  كااالسة و دايرة  ماعليها  ..  تقطع شوية  من هادي و تخليها و تمشي  للخرى..  بقات كتشىف فمجهوداتها كيتفرتو و هي  تحيد  ليها يدها ..  هزات طبسيل  فيدها  ..

ابرار:  ندى .. صباح  الخير ..  شنو بغيتي  نعطيك .
#يتبع