ملي سمعات هضرتو و هي كتشوا بطا عليها ايمتى تنوض و تمشي بحالها للمغرب مابقاتش حاملة تشوف كمارة تا قندوح ..
حطات بهم الطيارة فالمطار تاع طنجة اما بكر مكيشوفش لجهتها كيبان ليه بلي ضصرت بزاف .. الكلمة كلمتو و واخا يكون غالط ماطيحش كلمتو للارض .. هز ولدو و جار الباليزة فيد و خي هازة صاك فيدها و غادة قدامو .
كيف وصلو للدار لي عدنو ف طنجةزدحات الصاك فالارض .. جات طالعة و هو يوقفها بهضرتو
بكر : اسبحان الله اشريفة ياكما عندك العبيد
ابرار ( قربات منو و كتشوف فيه باشمئزاز ): مابقاتش حاملة نشوف خليقتك .. مابقيييتش طايقاك ... فيك ريحة دالجيفة و الخنز سيير غسل حالتك .. فمك خاانز ( حيدات ليه علي من يدو) سيير تغسل ختمرض ليا ولدي سيير
بكر ( وجهو حمار مابقاش قادر يستحمل هضرتها .. هز يدو غيعطيها بكروشي ): بررررببب..
باقي ماكملهاش و هو يبدا يغوت علي جمع يدو و خرج من الدار .. كحالن الدنيا فعينيها كتشوف كولشي حاكر عليها واش حتى البيبي هي تحمل بيه و هو يسميه باشمن واجب شرع هادشي ؟؟
صف مابقات كتبان ليها تا حاجة قدام عينيها .. ركدات علي و دخلات للحمام طرقات عليها .
خرج صاعر الوضع غادي و كيتكهرب و هوما عاد عرسان جداد .. عاااارف الديفو منو ولكن كيفاش غيتيغير؟؟ كلما كيحاول ينسا الباصي كلقا راسو كيبرد غدايدو فشي واحد .. صايك و شاعل كارو تا وصل عند مليكة دخلاتو و رحبت بيه .. ملي كتوصلها الريحة من جهة ختها سماح كتفرح بزاااف .. هي عاكرة ماعندهاش الولاد و الطبيب قاليها عمرك تحلمي بالولاد .. دكشي علاش علي و ندى بالنسبة ليها بحاا ولادها و خصوصا ندى لانها كتشبه لسماح بزاااف
مليكة: اهلا خويا بكر مرحبا بك تفضل
بكر ( حيد سبرديلتو ) الله يكبر بيك كيداير مول الدار .
مليكة: ااحمد الله عاد لقيتيه خرج عيطو ليه من الخدمة
بكر : اوا خليه يترزق على االع الله يسهل ليه
مليكة: امييين.. قهوة واا اتاي
بكر : ندى
مليكة: ههه .. الله اخويا باقي تا ماشبعت منها و تاخدها ليا
بكر : اوا راه ااعطلة سالات ضروري تمشي اقرا على راسها
مليكة ( جمعات الضحكة و كلسات حداه شابكة يدها و كتلعب بيهم : بغيت ندوي معاك فواحد الموضوع
بكر : مرحبا
مليكة: دابا انت مزوج .. ياك و انشاء الله ربي يرزقك بما كثر .. انا ربي حرمني من الولاد ( غرغرو عينيها ) علاش لي ماتخليش ندى عندي تربيها و الله مايخصها خير انا خالتها و ربي شاهد واش نعز فيها شي حاجة
حاس بالدقة لي هازة لان الولاد شي حاجة زوينة و ربي لا رزقك بهم راه تفكرك
بكر : مليكة هتي راني حاس بك .. ولكن صعيب نفرق بنتي
مليكة: واخا تخليها عندي وقت القراية و وقت العطلة جي موراها
بكر : نسولوها هي واش تبغي و لا لا
مليكة:اهاه واخا
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
