مكتوب الخير

الجزء 4

شدات على قلبها كية  و مشات تنعس..  واشمن  نعااااس فيها..  غير  كتقلب  حتى  قال الأذان الله و اكبر ...  ناضت سخنات الماء  و خرجات على برا كان الحال بارد و اصوات العصافير كتزقزق ... هواء زوين عندهم تما تشها غير تكلس تشرب كويس د اتاي و لا قهيوة فذاك الوقت توضات و تسناتو الادان حتى كمل ..  عوداتو و قرات الدعاء  عاد  بدات كطلب الله 
ابرار: ياااربي  ديرليا لي فيها الخير . ياااربي  عوني  و رشدني راني  حرت ...  ياربي اني عبدك الضعيف لا حولة ولا قوة ليا امامك .. ياربي الى كان عندي خير فهاذ التزويجة كمل عليا بها ولا ماكنش عندي فيها الخير  بعدها عليا ..

سمعات حس التقرقيب  مسحات دمعتها  و هزات سطيلتها 

الاب: صباح الخير ..

ابرار: صباح النور  ابا .. 

دخلات لبيتها  كتصلي  و حابسة  دموعها .. باها ماساخيش بيها هي الكبيرة فولادو ولكن ماعندو مايدير هادو هوما العدات و التقاليد .. البنت كي تبلغ لازمها تمشي  لدار راجلها و دير دارها  .. و بحال سي بكر  مايلقاوش ولد الناس و انسان خلوق و من النهار عرفو ديك العائلة مكيسمعو عليها الا الخير
ناضو كل واحد  كيدير حاجة  من جيه  و كل واحد  باش  مكلف ..  سمعات الدقان فالباب و هي  تمسح يديها من التيد .. مشات تحل و هي  تصطدم بميسون

ابرار: مرحبا دخلي ..

ميسون:  مكين لا مرحبا لا والو .. الله يرحم بيها الوليدين ..  هاذي هي الصحبة  ...  التزوجي و ماتقوليهاش ليا؟؟ 

ابرار :  حشومة  عليييك عارفاني  نخبي عليييك؟؟؟ راه كلشي  جا على صدفة  و انا ماعارفة  والو

ميسون:  اممم كلشي  صدفة  خايفة  من العين ؟  ولا  خايفا مني ..  اودي  غير  ربحي  بهاذ الزواج  ..  دابا اشوفي كي غيطلع لك و الله لا طفرتيه...  ياربي السلامة  غا كتنفخو شوية  كتوليو باغين فيمن تلسقو و تزوجو  اعود بالله من هاذ الخلق..  و جيت نعطيك  اختي  طبسيلكم  و ماتبقاي  تعرفيني  مانعرفك 

ابرار: اويييلي  ..  ميسون  منيتك  هادي هي العشرة 

ميسون: العشرة  لي  فيها النفاق و التخبية  ماعندي ماندير بيها الله يعاونا و يعونك  واصلا  انت دابا ماغتبقايش  بنت  و دارنا مايبغيونيش  نوقف مع وحدة  ولات  مراة  الله يعاون  ( كتهضر و تعوج فمها )

خدات الطبسيل  من  عندها  و سدات الباب ..  كل كلمة  قالتها ليها  كتسمع فودنها بحال شي طنييين ...  وكتحس بيها فقلبها بحال الموس  كيتغرس فيها .. حتى من صحبتها خوات بيها ...  هادشي  كامل كيطرا ليها و هي انسانة  ضريفة  و حشومية  و شادة  وقارها ماعارفاش بلي  هادي غير البداية  و مزاااال العاطي يعطي .

وصلو الرجال و الدنيا بدات كتعمر.. فارقين  الدار على جوج نص فيه الرجال و  النص فيه  العيالات ..  كيفرقو  الماكلة و الموناضى و الدراري  الصغار كيطيرو  و ينزلو  فحالا فيهم  زغيلو ...  كطلل من الحلقة تاع  الدار على  السفلي و كتشىف البنات  كلعبو  و  كتحرق من جيهتهم  كتشوف فيهم  قدها غيزوجوهم .. كتحس بالنغيز دازت و هي تلقاها بنت صغيرة تكون  عندها 6سنوات 

#يتبع