خرج الطبيب وجهو عرقان و باينة فيه دار مجهود كبير .. غير شافو و هو يمشي عندو ملهوف
بكر: دكتور بنت حية؟
الطبيب: حية ولكن دخلات فغيبوبة.. و هادشي خطير على الصحة ديالها فهاذ السن..
بكر : غيبوبة؟؟؟ ايمتى غتفيق وعلاش؟؟
الطبيب: مانقدروش نعرفو... خصها تبقا معانا هنا .. نراقبوها و نخليوها حاليا تحت العناية المركزة .. بهاذ الشكل نقدرو نتفاداو مضاعفات
بكر: مضاعفات شنو و علاش وقع ليها هدشي؟
الطبيب: شمات شي حاجة خلات الدماغ ديالها يغيب .. و مابقاتش كتقدر تنفس و بهاذ الشكل لوكسيجين مابقاش كيدوز للدماغ .. الخطير و لي خيفين منو هو واش البنت غتبغي تفيق ولا لا .. الى كانت باغا راه كاين امل.. والى ماكانتش باغا و مامستعداش نقدرو نقولو ان البوغصونطاج تاع الموت غيكبر .
انساحب الطبيب و بقا بكر ىاقف شاد فراسو ... مشا يطل على بنتو من الزاج دالغرفة كيبان ليه مدوزين ليها تيو من نيفها و السلوكة فيديها.. عيااا مايتمهد و يستغفر مولاه .. واحد اللحضة رجعات بيه الذاكرة اللور..
قبل شهرين
اسرة متماسكة عايشين فدار بعيدة على الصداع و الغوت لكن ماشي ديما كناخدو كاع لي بغينا .. من النهار ولدات علي و هي غادة و كتمص و تمرض .. ولات صفرة و دبال جمالها .. و سبحان من صورها..
....: ( كتهضر بزز و يمكن دقائقها الاخيرة ) بكك..رر.. تهلا فالولاد... ماعرر..فتش نعيش.. ولا نموت... مهم..انا حياتي كلها بغيتك و مزال كنبغيك.. و انشاء الله.. نتلاقاو فالجنة..
بكر: اعود بالله .. مالك على هاذ الهضرة.. غير نتبعو الطريطمون و يكون خير .. ماتخافي من والو .. مازال نكبرو ولادنا و نشوفو ولادهم
...( دارت ضحكة خفيفة و زيرت ليه على يدو مزيان ): سس..معنييي.. كمل حياتك.. عييشش.. ولكن..ماتنساش بلي كتسناك .. واحد المراة .. كتبغييك.. واعدني..واعدني عممرك.. عممرك تخلا على ولادنا ..
بكر( عينيه عامرين دموع بزز باش كيجوبها كيحس بلسانو تقيل عليه و الدنيا كدور بيه) : كنواعدك .. كونط هانية .. ولكن بقاي معانا .. مازال الحال
...: اشهد ان لا الاه الا الله و اشهد ان محمد رسول الله..
قالت الشهادة و ترخات كذلك طرا ليه تا هو .. قلبو ترخا و كلشي ترخا فيه.. لا احساس لا مداق.. كلشي بسال من مورى موتها .. مازال ماقدر يطبق كلامها و يكمل حياتو .
فاق من سهوتو على صوت علي كيبكي بالجهد يمكن جاه الجوع... تلفت .. دور عينيه فليمن و ليسر .. مكتبانش ليه البرهوشة.. طاااارت..
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
