طاحت الضلمة و الاحتفال بدا .. طالقين اغنية هادئك و خفيفة .. و الناس بداو كيدخلو .. غير رجال الاعمال و الشركاء... الحفلة غيتك تكريم فيها جميع اصحاب الشركات .. ابرار غير فدا مع ايناس و تابعاها ماعارفة الحفلة تاعاش حيت مكينش لي يقول ليها .. كلشي حاضر و غير الطموبيلات تاع الفريع .. دخلات ايناس بطومىبيلتها عطات للكارد يبلاصيها و هبطات هي و ابرار.. كل الاعين عليهم .. عارفين بلي بكر مسافر و مرتو هي لي غادي تحضر بلاصتو ..
واقف كيقلب فالتيليفون جا ياخد الكاس من عند النادل و هو يقشع ابرار و ايناس جايين من بعيد.. الليل و الاضواء و الاغاني مطلوقين .. كلشي دور وجهو كيشوف فيهم .. تاواحد ماعرفها مرت بكر من غير الناس دالشركة .. بدا توشويش فالودنين ..
..: خلاتو تا مشى و عرات عليها ..
..: كلشي من تحت ديك ايناس .. ولكن و الله ما يفلتها لها بكر دابا تفرجي
دار عدنان خنزر فيهم .. و رجع بلاصتو .. ماعندوش الحق يتصرف حدو خلا ميصاج لبكر " راها جات ماتخافش عليها "
فالبلاصة طلع ڤي و هو يعيط ليه ابيل ففيديو
بكر : فيراها ؟؟
عدنان ( كيقلب بعينيه.. كيشوف فيها و ماقدش يوريها ليه) يا الله دازت من حدايا .. ياك لباس ؟
بكر : كي تشوفها عطيها تيليفون ولا قولها ترد على داك المشقوف ..
عدنان: واخا ..
قطع عليه و بقا كالس كيشىف فداك المنضر هاكاك ..
بدا التكريم تاع رجال الاعمال واحد بواحد .. عيطو
..: و اكيد ملي كندويو على مجال العقار ولاا بد مندكرو مجموعة شركات "كيلار ويليامز" من اهم المؤسس ديالها الفيلالي بكر.. لكن غنتشرفو بحضور الزوجة تاعو نضرا لغيابو ..
ايناس: يا الله احبيبة سيري
بدات كلها كترعد عاد فهمات علاش من الصباح و هوما كيعيطو بالسميات و جايباها ايناس معاها .. شداتها البكية ماعارفاش اش غطلع تقول ولا اش غدير تما و عاد بدات كطرح السؤال " انا فييين؟"
هادشي كامل داز من تحت عينين عدنان .. مشا جرها من عند ايناس و داها للكولوار خلا كلشي كيشوف و مافاهمين والو
عدنان: لا انت مريييضة؟؟؟ عرفتي دو يسيق لك الخبار دايرة هاذ الحالة اش غيدير فك ؟؟
بدات كتبكي و تنخصص و تشهق ...
ابرار : هءهء.. عفاك ماتقوليه والو هء..هءهء عفاك
اول مرة يشوفها هاكا كتبكي و ماكانش عارفها بلي لهاذ الدرحة كتخاف من بكر .. ماحسش حتى حرها لعندو و عنقها بالجهد خلاها كتبكي و هو مزير ..
عدنان : ششش..
ابرار : هءهء عفا هءهء كك.. بغيت نمشي بحالي ههءهء
عدنان : ششش..
حط سبعانو على شفايفها لقاهم سخاان ..مسح ليها دموعها و شدليها راسها كيماصي فيه ..
عدنان : ششش مغنقوليه والو غير بردي .. خليك هنا عطيني عشرة دقائق و رجع عندك
#يتبع
أنت تقرأ
مكتوب الخير
Romance~ لايسمح بالنشر إلا بعد أخذ اذني والاحتفاظ بنفس المقدمة و الكوڤر وذكر اسمي ~ بــــــقلمي: DOUNIA ELMESSAOUDI💎 تحـــــت عنوان: مكتوب الخير / WELL DESTINY "كانت السماء مُرصعة بالنجوم، وشديدة الصفاء، بحيث إن من يتطلّع إليها لابدّ أن يتساءل دون وعي...
